00:00:00 IGIHE NETWORK KN KINYARWANDA EN ENGLISH FR FRANCAIS

Kevin Skaa yinjiye mu Bisumizi bya Riderman

Yanditswe na Nsengiyumva Emmy
Kuya 9 Ugushyingo 2021 saa 03:49
Yasuwe :
0 0

Shema Kananura Kevin uzwi nka Kevin Skaa yamaze kwinjira mu Ibisumzi Records ya Riderman aho ashobora guhurira n’abafite amazina akomeye bahoze bakorana n’iyi studio.

Amakuru y’uko Kevin Skaa yinjijwe mu Ibisumizi Records, IGIHE yayahamirijwe na Nshimiyimana Théogène uzwi nka DJ Theo ushinzwe Ibikorwa bya buri munsi muri iyi sosiyete.

Yagize ati “Mu minsi iri imbere ubwo tuzaba turi mu gikorwa cy’Ibisumizi Trip, abahanzi bafite uko bakorana natwe bazaba bahari, muzababona. Gusa aho bigeze aha nakubwira ko umwe turi gukorana ari Kevin Skaa.”

Usibye Kevin Skaa wamaze kwinjira mu Ibisumizi Records, hari amakuru avuga ko abarimo Ama G The Black, Queen Cha na Social Mula bahozemo n’ubu basabwe gusubira mu rugo.

Abajijwe kuri ba bahanzi b’amazina akomeye, DJ Theo yirinze kugira uwo yemeza cyangwa ngo ahakane.

Yagize ati “Erega abo bose uvuga ni Ibisumizi, ntabwo bigeze bagenda kandi hariya ni mu rugo. Igihe cyose twabashakira cyangwa bo badushakira twakorana.”

Kevin Skaa umaze hafi imyaka ine mu muziki yakoze indirimbo zirimo ’Down slow’, ’Special’, ‘Avec Elle’, ‘Feel yo Love’ na Medecine.

Mu kiganiro yagiranye na IGIHE mu minsi yashize, yavuze ko ibyo kuririmba yatangiye kubikunda akiri umwana muto ndetse iyi mpano ifite imizi mu muryango dore ko afite mushiki we witwa Umurerwa Linda uri mu bitwaye neza mu irushanwa rya Art Rwanda-Ubuhanzi, akaba na mubyara wa Derek Sano wo muri Active.

Kevin Skaa yinjiye mu Ibisumizi Records ya Riderman

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .