Keza Yusla yitabiriye Miss Rwanda mu mwambaro w’idini ya Islam

Yanditswe na Nsengiyumva Emmy
Kuya 12 Mutarama 2020 saa 07:48
Yasuwe :
0 0

Keza Yusla ufite uburebure bwa metero 1.71 yitabiriye Miss Rwanda 2020 yambaye umwambaro w’idini ya Islam ahamya ko iyo baba batabyemera yari guhitamo kwitahira aho kuwukuramo.

Kuri uyu wa Gatandatu tariki 11 Mutarama 2020 mu karere ka Kayonza niho hakomereje ijonjora rya Miss Rwanda 2020 ahari gushakishwa abakobwa bazahagararira Intara y’Iburasirazuba muri iri rushanwa.

Keza yabwiye IGIHE ko afite inzozi zo kuba Nyampinga w’u Rwanda akabona uburyo ashyira mu ngiro umushinga we wo gufasha abana b’imfubyi n’abatawe n’ababyeyi.

Uyu mukobwa umwe rukumbi wari witabiriye irushanwa yambaye umwambaro wa Islam, abajijwe igisobanuro cyabyo, yavuze ko ari ihame ry’idini rye rivuga ko nta mugore ujya mu ruhame atipfutse.

Ku kijyanye no kuba hari uburanga yaba ahishe muri uku kwipfuka, yagize ati” Nibaza ko ubwiza bwanjye ari ubu naberetse.”

Uyu mukobwa yavuze ko iyi ari intambwe yateye mu myemerere cyane ko mu mwaka wa 2019 nabwo yari yitabiriye irushanwa rya Miss Rwanda icyakora birangira atabashije gukomeza.

Muri 2019 ntabwo Keza yari yitabiriye irushanwa yambaye uyu mwambaro cyane ko nkuko nawe abyivugira hari imyemerere ye mu idini yari itarakura.

Umwaka ushize uyu mukobwa avuga ko yagowe n’ubwoba yari afite imbere y’akanama nkemurampaka icyakora kuri ubu akaba yitabiriye ngo yagerageje kubwirinda.

Keza Yusla wari witabiriye bwa kabiri irushanwa rya Miss Rwanda kuri iyi nshuro nabwo ntabwo yabashije kongera kurenga umutaru dore ko yasezerewe atarenze aho yari yaviriyemo umwaka ushize. Bivuze ko atagaragaye muri 15 bazahagararira Intara y’Uburasirazuba.

Reba ikiganiro twagiranye na Keza Yusia

Keza akigera i Kayonza
Ubwo bamupimaga uburebure
Ni uku Keza yitabiriye Miss Rwanda yambaye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza