00:00:00 IGIHE NETWORK KN KINYARWANDA EN ENGLISH FR FRANCAIS

Juno Kizigenza yababajwe no kutaririmba muri Kigali Fiesta

Yanditswe na Nsengiyumva Emmy
Kuya 14 Ugushyingo 2021 saa 08:57
Yasuwe :
0 0

Juno Kizigenza wari mu bahanzi batandatu batumiwe mu gitaramo cya Kigali Fiesta, yababajwe bikomeye no kuba atabashije kugera ku rubyiniro, ahamya ko abagiteguye batigeze bamuha agaciro nk’umuhanzi wo mu Rwanda.

Abakunzi b’umuziki bari bakoraniye muri Kigali Arena, baciye iryera Juno Kizigenza ubwo ari agiye gufasha Ariel Wayz indirimbo ‘Away’ bakoranye.

Nyuma y’iyi ndirimbo Juno Kizigenza yijeje abakunzi be ko agiye kugaruka ku rubyiniro, birangira icyizere kiraje amasinde mu bakunzi b’umuziki.

Abinyujije ku rukuta rwe rwa Twitter, Juno Kizigenza utabashije kuririmba muri iki gitaramo, yaboneyeho umwanya wo kwisegura ku bakunzi be batigeze babashaka kumubona ku rubyiniro nkuko hari abari babyiteze.

Uyu muhanzi yibukije abateguye iki gitaramo ko bakeneye kubaha abahanzi bo mu Rwanda.

Ati “Ntibifatwe nabi ariko abateguye iki gitaramo bakeneye kubaha abahanzi bo mu Rwanda.”

Byari byitezwe ko Juno Kizigenza abanziriza Omah Lay ku rubyiniro, icyakora bitewe n’amasaha igitaramo cyagombaga gusorezwa, byabaye ngombwa ko yirengagizwa.

Kutajya ku rubyiniro kwa Juno Kizigenza byatewe no gukerererwa kw’igitaramo nkuko byanagaragariraga buri wese wari muri Kigali Arena.

Bushali wagombaga kumubanziriza yavuye ku rubyiniro saa yine zibura iminota icumi, mu gihe hari amabwiriza y’uko igitaramo kigomba kurangira saa yine n’igice z’ijoro.

Iminota 40 yari isigaye yahariwe Omah Lay nk’umuhanzi mukuru, birangira Juno Kizigenza atashye ataririmbye.

Ni igitaramo cyarangijwe saa yine n’iminota 35, iminota itanu yarenze ku mabwiriza EAP yari yahawe, bivuze ko Juno Kizigenza nta mwanya yari kubona cyereka iyo aba yaririmbye mbere.

Juno Kizigenza yagiye ku rubyiniro gufasha Ariel Wayz

Juno Kizigenza yatahiye gufasha Ariel Wayz ku rubyiniro
Juno Kizigenza yavuze ko abateguye igitaramo batigeze bamwubaha nk'umuhanzi wo mu Rwanda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .