Jidenna na Bruce Melodie bakoze igitaramo cy’amateka n’udushya muri Kigali (Amafoto)

Yanditswe na Nsengiyumva Emmy
Kuya 30 Ugushyingo 2019 saa 10:10
Yasuwe :
0 0

Mu ijoro ryo kuri uyu wa Gatanu tariki 29 Ugushyingo 2019 mu mujyi wa Kigali habereye igitaramo cya Kigali Jazz Junction gihuriyemo Bruce Melodie ndetse n’ikirangirire Jidenna bashimishije abakunzi b’umuziki bacyitabiriye.

Umunyamerika w’umuraperi Theodor Mobisson [Jidenna], yishimiwe bikomeye mu gitaramo gikomeye yakoreye i Kigali imbere y’imbaga yari imunyotewe mu gihe cy’imyaka irenga icumi amaze mu muziki.

Jidenna uri mu bahanzi bagezweho muri iki gihe, abiganjemo abakobwa bari babukereye bashaka kumwereka ko bamwishimiye cyane.

Mu gitaramo cyari cyitabiriwe ku rwego rushimishije, Neptunez Band na Neptunez Djs nibo babanje gususurutsa abitabiriye bakurikirwa na Bruce Melodie werekanye ko ari umuhanzi ugezweho kandi ukunzwe.

Jidenna yageze ku rubyiniro aririmba indirimbo nyinshi ziganjemo izo kuri album ye nshya yise ’85 to Africa’ avangamo n’izindi nka ‘Classic man’ , Sfuffi wimah’ n’izindi ze zanyuze abakunda kwizihirwa.

Uyu muhanzi uko yasozaga kuririmba niko abakunzi be biganjemo abakiri bato [bari mu myaka 18 kumanura] bazamuraga amaboko bagaragaza ko bishimiye kuba uyu muhanzi yaririmbiye mu Rwanda.

Bruce Melodie waririmbye mu buryo bwa Live yashimishije abakunzi b’umuziki mu ndirimbo ze nka; ‘Ndakwanga’, ‘Ikinya’, ‘Katerine’ na ‘Kungola’.

Uko yaririmbaga ninako yanyuzagamo akaganira n’abafana be abashimira kuba bitabiriye igitaramo ndetse banakomeje kumushyigikira.

Bruce Melodie yakurikiwe na Jidenna wataramye igihe cy’amasaha hafi abiri kandi akishimiwe n’abakunzi be.

Mu gihe yamaze ku rubyiniro benshi bamuhojejeho amaso telefoni zicanye bafata amashusho n’amafoto.

Buri ndirimbo yose yateraga yikirizwaga akayisoza akomerwa amashyi n’akaruru k’ibyishimo ubona abantu bari mu mwuka wo kubyina.

Ageze hagati mu gitaramo, Jidenna yatunguranye acana itabi ku rubyiniro atangira kurinywera imbere y’abafana be, uko yanywaga itabi ninako yasomezaga ikinyobwa yari afite mu gakombe ka pulasitiki.

Yaririmbye indirimbo nka ‘Classic man’, ‘Bambi’, ‘Chief don’tu run’, ‘Particula’, ‘Little Bit more’ n’izindi.

Iki gitaramo cyabereye muri Kigali Conference and Exhibition Village (KCEV) ahazwi nka Camp Kigali, kuri uyu wa Gatanu tariki 29 Ugushyingo 2019, cyitabirwa n’imbaga y’abakunzi b’ibirori bari babukereye.

Ab'inkwakuzi bahageze kare
NEP Djs babanje gususurutsa abazindutse
Umuhungu w'umurimo nkuko akunda kwiyita Bruce Melodie ni uku yaserutse
Bruce Melodie yishimiwe bikomeye muri iki gitaramo
Bruce Melodie imbere y'abakunzi b'umuziki bari bitabiriye Kigali Jazz Junction
Bruce Melodie yakoze iyo bwabaga ngo asusurutse abakunzi b'umuziki we
Abafana bari benshi mu gitaramo cyatumiwemo Jidenna, Bruce Melodie nawe ntiyaboroheye yababyinishije karahava
Umuhanzi Bruce Melodie yanyuze benshi ku buryo yanyuzagamo akabashimira
Jidenna yakoze ibishoboka ngo ashimishe abakunzi b'umuziki we i Kigali
Jidenna i Kigali imbere y'abafana b'umuziki
Yazengurukaga mu bafana nabo bashaka gufata udufoto tw'urwibutso
Jidenna aramutsa abakunzi be bari benshi
Abakunzi b'umuziki bari bakubise buzuye icyumba cyabereyemo igitaramo
Byari ibirori ku bakunzi b'umuziki
Buri wese yashakaga gucyura aka gafoto
Inkumi zeretse Jidenna ko zizi kunyuka umuziki
Hagati mu gitaramo yacanye itabi arinywera
Itabi mu gitaramo, ifoto ya Jidenna itazasibama mu bakunzi b'umuziki babibonye
Ikinyobwa Jidenna yasomeje itabi benshi bahamyaga ko ari inzoga
Hari igihe umufana aba yanyuzwe

Amafoto: Muhizi Serge


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza