Jay Polly yasohoye indirimbo yitezeho kuryohera abanyabirori mu gusoza umwaka

Yanditswe na Uwiduhaye Theos
Kuya 3 Ugushyingo 2019 saa 03:09
Yasuwe :
0 0

Umuraperi Tuyishime Joshua wamamaye nka Jay Polly yashyize hanze indirimbo y’abanyabirori yise ‘Bipapare’ yitezeho kwifashishwa n’abanyabirori muri iki gihe cyo mu mpera z’umwaka.

Mu kiganiro yagiranye na IGIHE, Jay Polly yavuze ko iyi ndirimbo igitekerezo cyo kuyikora cyaje ari muri studio ari gushaka indirimbo yazanyura amatwi y’abanyabirori mu gusoza umwaka.

Ati “Yaje nk’ibisanzwe kumwe umuhanzi yiyumvamo inganzo, yahereye muri studio turi gushaka indirimbo ibyinitse nahamo impano abakunzi banjye yo gusoza umwaka. Twatekerezaga indirimbo twakora ibyinitse ijyanye n’ibihe byo gusoza umwaka. ”

Amashusho y’iyi ndirimbo azasohoka ku wa Gatanu w’Icyumweru gitaha. Mu buryo bw’amajwi yakozwe na Li John.

Uyu muhanzi yavuze ko nyuma yayo ateganya ibitaramo byo gusoza umwaka, n’amashusho avuguruye y’indirimbo iri mu zo yakoze akiva muri gereza yitwa ‘Nyir’izina’.

Yabajijwe ku bijyanye n’indirimbo yagombaga gukorana n’umuhanzi wo muri Nigeria, Davido itaragiye hanze avuga ko bagombaga kuyikora muri uyu mwaka ariko bikaba bitarakunze akaba ateganya ko ishobora kuzakorwaho umwaka utaha.

Iyi ndirimbo ije ikurikira izindi ndirimbo uyu muhanzi yakoze akiva muri Gereza zirimo iyo yashyize hanze bwa mbere yise ‘Umusaraba wa Joshua’ yagiye hanze hashize ibyumweru bibiri avuye mu gihome, yavugaga ku buzima bw’ifungwa rye.

‘Inshuti Nyazo’ yagiye hanze muri Mata, ‘Nyirizina’ yagiye hanze muri Kamena n’izindi. Izi ndirimbo zose ziri kuri album uyu muhanzi yise ‘Umusaraba wa Joshua’.

Jay Polly yavuze ko indirimbo 'Bipapare' igitekerezo cyo kuyikora cyaje ari muri studio ari gushaka indirimbo yazanyura amatwi y’abanyabirori mu gusoza umwaka.

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza