Jay Polly umaze iminsi atavugwa mu muziki ahugiye mu biki?

Yanditswe na Nsengiyumva Emmy
Kuya 2 Ukwakira 2019 saa 11:19
Yasuwe :
0 0

Jay Polly ni umuraperi ukomeye mu Rwanda. Uyu mugabo wubatse izina mu muziki muri iyi minsi asa naho atari kugaragara cyane mu ruhando rwa muzika.

Mu mwaka wa 2018 Jay Polly yahuye n’ibibazo arafungwa azira gukubita no gukomeretsa umugore we, byatumye amara amezi atanu muri gereza.

Nyuma yo kurekurwa uyu muraperi yavuze ko agiye kongera gukora cyane akisubiza icyubahiro yahoranye mu ruhando rw’abahanzi bakomeye.

Akiva muri gereza Jay Polly yahise ashyira hanze indirimbo “Umusaraba wa Josua” yavugaga ko ari iyo yandikiye muri gereza. Mu kwezi kumwe nibwo yahise akurikizaho iyo yise “Inshuti nyazo”.

Byamufashe amezi atari make abona gukora indirimbo ya gatatu yise “Nyirizina” atigeze yishimira uburyo amashusho yayo yakozwe dore ko amakuru ahari ahamya ko uyu muhanzi yanatangiye gusubiramo aya mashusho.

Iyi ndirimbo igiye kuzuza amezi atatu iri hanze ariko uyu muraperi ntakigaragara cyane mu bijyanye na muzika.

Mu kiganiro yagiranye na IGIHE, Jay Polly yavuze ko muri iyi minsi asa n’uwihaye umwanya ngo arebe ibyo akeneye gukora n’uburyo yabikoramo.

Jay Polly yagize ati” Nditurije, ndi kureba aho bigana nuko bimeze. Ndashaka kumenya icyo gukora gusa mfite indirimbo namaze gukora ndetse na Meddy Saleh yamaze kuzifata amashusho mu minsi mike ningaruka kandi vuba murumva umurindi.”

Uyu muraperi yavuze ko atigeze ajya kure ya muzika ahubwo yihaye akanya ngo arebe uko ibintu byifashe.

Ku kijyanye no kuba yategurira abakunzi be ibitaramo, yavuze ko hari ibyo The Mane nk’inzu abarizwamo bagenda bategura akabyitabira.

Ku by’igitaramo cye bwite, Jay Polly yavuze ategereje kuganira n’abamufasha uburyo yategurira abakunzi be igitaramo gikomeye mu gihe cya vuba.

Jay Polly akiva muri gereza yijeje ko aje kwisubiza icyubahiro yahoranye mu muziki
Jay Polly yijeje abakunzi be ko mu gihe cya vuba azabategurira igitaramo
Jay Polly ngo hari byinshi ari gutegurira abakunzi be

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza