00:00:00 IGIHE NETWORK KN KINYARWANDA EN ENGLISH FR FRANCAIS

Ish Kevin ari kubyinira ku rukoma nyuma yo kubengukwa na Dj Poizon Ivy wahawe ikiraka muri BAL

Yanditswe na Uwiduhaye Theos
Kuya 14 Gicurasi 2021 saa 04:43
Yasuwe :
0 0

Umunya-Kenya Dj Poizon Ivy wahawe gucuranga mu mikino ya Basketball Africa League, izatangirira i Kigali guhera ku wa 16 Gicurasi agiye kwifashisha indirimbo z’abarimo Ish Kevin uri mu baraperi bagezweho mu Rwanda.

Uyu mu-Dj uri mu bakomeye bakomoka muri Afurika bacuranga muri NBA yifashishije urukuta rwe rwa Twitter yabajije Abanyarwanda umuziki yazacuranga mu gihe Rivers Hoopers yo muri Nigeria izaba iri gukina na Patriots BBC yo mu Rwanda.

Benshi mu batanze ibitekerezo bagaragaje cyane Ish Kevin ndetse uyu mukobwa ahita ashyira ubundi butumwa kuri uru rukuta agaragaza ko umuntu uzi Ish Kevin yamubwira ko amushaka.

Ati “Hagire umbwirira Ish Kevin ko ndi kumushaka.” Ish Kevin yahise abwira uyu mu-Dj ko ahari nta kibazo bavugana.

Mu bitekerezo byatanzwe na benshi kuri ubu butumwa bagaragaje ko uyu muhungu afite impano idashidikanywaho ndetse n’ibikorwa bye byivugira.

Nk’uwiyise @umusore_witunze yagize ati “Ibikorwa birivugira we.”

Mu kiganiro Ish Kevin yagiranye na IGIHE, yavuze ko Dj Poizon yiyemeje gukorana na we.

Ati “Icya mbere indirimbo zanjye zirimo mu zizacurangwa hariya mu mukino uzafungura iyi mikino ya BAL ku Cyumweru. Ni ikintu gikomeye kuri njye nk’umuhanzi ukiri gutera imbere. Ikindi twapanze guhura, hari gahunda tuzakorana mu minsi iri imbere abakunzi banjye bazabimenya.”

Uretse Ish Kevin, uyu mu-Dj yanavuze ko ashaka Dj Makeda uri mu bagore bafite izina rikomeye mu kuvanga imiziki mu Rwanda.

Ivy Awino umaze kumenyekana nka Dj Poizon Ivy, yavukiye i Nairobi muri Kenya akurira muri Dallas muri Leta ya Texas muri Leta Zunze ubumwe za Amerika . Ni umuhanga mu gucuranga Piano ndetse no kuvanga imiziki.

Ni umu-Dj mpuzamahanga witabazwa mu birori bikomeye. Yacuranze mu birori by’iserukiramuco ryaririmbyemo abahanzi bakomeye nka Nas, Wiz Khalifa, J. Cole uri no mu bakinnyi bazakinira Patriots BBC ndetse n’abandi benshi.

Yabaye umugore wa mbere wacuranze kuri WKKV-FM yashinzwe mu 1948, iri muri Radiyo zikomeye muri Amerika. Ni umu-Dj wa kabiri w’umugore muri NBA. Ubu ni umu-Dj wa Dallas Mavericks guhera mu 2020.

Ubwo Dj Poizon Ivy yatangazwaga ko ari we uzavanga imiziki muri BAL Abanyarwanda bamwe barabyijujutiye bavuga ko ari akazi kagahawe Umunyarwanda ariko abandi bavuga ko ibikorwa bye byivugira ku buryo bitagakwiye kuba ikibazo ahubwo Abanyarwanda hari ibyo bamwigiraho nabo ubutaha bakazagahabwa.

Reba indirimbo Ish Kevin aheruka gushyira hanze

Ish Kevin ayamaze kwemeranya na Dj Poizon ko indirimbo ze zizifashishwa mu gutangiza BAL
Dj Makeda ashobora gucuranga muri BAL nyuma yo kubengukwa na DJ Poizon
Dj Poizon Ivy amenyereye gucuranga mu mikino ya NBA
Dj Poizon Ivy niwe uzacuranga muri BAL

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .