Irushanwa rya The Next Pop Star ryari rimaze ukwezi risubitswe ryasubukuwe

Yanditswe na Nsengiyumva Emmy
Kuya 19 Gashyantare 2021 saa 04:36
Yasuwe :
0 0

Nyuma y’igihe gisaga ukwezi irushanwa The Next Pop Star risubitswe bitewe n’amabwiriza yo kwirinda ikwirakwira rya Covid-19, ryongeye gusubukurwa.

Abahanzi bose uko ari batandatu basigaye muri iri rushanwa bagiye gutangira imyiteguro iganisha ku cyiciro cya nyuma.

Ku Cyumweru tariki 21 Gashyantare 2021 nibwo amatora azongera gusubukurwa abahanzi bakamenyeshwa

Umuyobozi mukuru wa Network Showbiz (NSB), imwe muri sosiyete zateguye iri rushanwa, Hemdee David yihanganishije aba bahanzi ku mpinduka zatewe na Covid-19, abasaba gukomeza imyiteguro.

Yagize ati “Mfashe uyu mwanya ngo mbwire abari mu irushanwa ko turi kumwe. Ndabizi ko tutashoboye gukora ibikorwa byose uko byari biteganyijwe. Ntimucike intege, mukomeze muririmbe, mwitegure bihagije kuko igikorwa cyo gusoza irushanwa kiri hafi.”

Tariki 14 Werurwe 2021 nibwo hateganyijwe igitaramo ‘Live performance’ cyo gutoranya abahanzi babiri ba mbere bazegukana ibihembo. Kizaca imbonankubone kuri KC2.

Abo bahanzi bari guhatanira iki gihembo ni Cyiza Jackson, Gisa Cy’Inganzo, Yannik Gashiramanga, Ish Kevin, Hirwa Irakoze Honorine na Jasmine Kibatega.

Biteganyijwe ko umuhanzi wa mbere azegukana ibihembo bifite agaciro ka Miliyoni 50 z’amafaranga y’u Rwanda, uwa kabiri we azafashwa na sosiyete ya SM1 MUSIC GROUP/ SONY MUSIC GROUP kumenyekanisha ibihangano bye ku rwego mpuzamahanga.

Aba bahanzi bombi bazakorera urugendo muri Leta Zunze Ubumwe za Amerika aho bazishyurirwa ibyangombwa byose, birimo amafaranga y’urugendo, aho kuba n’ibizabatunga mu gihe cyose bazahamara.

‘The Next Pop Star’ ni irushanwa rigamije kuzamura abahanzi Nyarwanda bakagera ku rwego mpuzamahanga.

Ryateguwe na sosiyete mpuzamahanga zinyuranye zihagarariwe mu Rwanda na kompanyi itegura ibitaramo yitwa More Events.

Ikiganiro n’abahanzi bageze kuri final ya The Next Popstar

Dore uko batandatu bakomeje bitwaye mu cyiciro cyabanjirije icya nyuma

Abahatana bagiye guhabwa iminsi mike yo kwitoza neza

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .