Kwamamaza

Irene Uwoya agiye gusohora filime icukumbura ibyo yaciyemo

Yanditswe kuya 19-10-2016 saa 13:01' na Munyengabe Murungi Sabin


Irene Uwoya [Oprah] umugore wa Ndikumana Katauti agiye gushyira hanze filime mbarankuru ivuga ku buzima bwe bwite n’ibyo yanyuzemo mbere y’uko yamamara kugeza ubu.

Filime Irene Uwoya agiye gusohora yayise ‘Drama Queen’, yatangiye gukusanya ibitekerezo no kuyitunganya muri Gicurasi 2015. Yanditse kuri Instagram ko imirimo yo kuyikora igeze kure ndetse ko akeneye abasore babiri bazamufasha kwerekana ubuzima bwe.

Yagize ati “Ubu turashaka abasore babiri nifuza ko badufasha muri filime Drama Queen, uwumva yiteguye kandi abishoboye yaduhamagara…”

Umugore wa Katauti avuga ko impamvu nyamukuru yamuteye gukora iyi filime ngo ni ukugira ngo abantu bose bagire ishusho nyayo y’ubuzima bwe ndetse banasobanukirwe neza uwo ari we.

Ati “Izafasha abantu benshi, kuko bazamenya ubuzima nanyuzemo. Ubuzima nabayemo kera sibwo ndimo uyu munsi. Nabonye ko iyi filime izigisha abantu byinshi mu buzima”

Irene Pancras Uwoya ni umugore w’umukinnyi wakanyujijeho mu mupira w’amaguru mu Rwanda, Hamad Ndikumana ‘Katauti’. Ubukwe bwabo bwatashye kuwa 11 Nyakanga 2009 , ibirori byabereye kuri Hoteli ya Giraffe View, iherereye Mbezi Kawe, mu Mujyi wa Dar es Salaam.

Ubukwe bwabo bwakoze amateka akomeye kuko bwanditswe mu binyamakuru bitandukanye ko ari bwo buhenze kurusha ubw’ibyamamare byose bwabayeho muri Tanzania muri icyo gihe. Ubu bukwe bwatwaye 80,000,000 z’amashilingi ya Tanzania.

Uwoya n’umugabo we Katauti bagiye bagirana ibibazo bikomeye birimo no gutandukana bakongera bagasubirana, gucana inyuma, kurwana , intonganya za hato na hato n’ibindi.

Inkuru nshya iheruka kubavugwaho ni umubano wihariye wavuzwe hagati ya Irene Uwoya n’umuhanzi Jaguar ndetse hari n’abashimangiraga ko bashobora kuzarushinga gusa Katauti aherutse kubwira IGIHE ko ari impuha.

Yagize ati “Njyewe ntabwo nigeze ntandukana n’umugore wanjye. Ndibaza ko byavuzwe kenshi, banavuze ko hagiye kuba ubukwe ariko ndakeka ko hagiye gushira umwaka […] Amakuru ahari ni uko ntigeze ntandukana n’umugore wanjye. Nta kibazo dufitanye.”

Kuba atabana n’umugore we igihe kinini, ngo ni uko bombi bafite imirimo bakorera mu bihugu bibiri bityo ntibyorohe ko babana igihe cyose. Iyo yagiye muri Tanzania asura umuryango we gusa akavuga ko bitorohera Irene Uwoya kuza mu Rwanda kubera akazi.

Katauti yavuze ko umubano we na Oprah ari nta makemwa

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved