Inzu itari izwi Safi Madiba yaguriwe n’umugore we

Yanditswe na Munyengabe Murungi Sabin
Kuya 5 Ukwakira 2017 saa 05:36
Yasuwe :
0 0

Niyibikora Safi uririmba muri Urban Boyz afite inzu nziza mu Mujyi wa Kigali, bivugwa ko yaguzwe na Niyonizera Judithe baherutse gukorana ubukwe.

Safi Madiba amaze iminsi itanu arushinganye na Niyonizera Judithe ndetse ibirori byo kwishimira isezerano bagiranye imbere y’amategeko no gutanga inkwano byabereye i Rebero ku Cyumweru tariki ya 1 Ukwakira 2017.

Nyuma y’ubukwe bwa Safi Madiba na Judithe hadutse amakimbirane hagati y’uyu muhanzi na Umutesi Parfine bahoze bakundana. Uyu mugore yashinjaga Safi “ubupfubuzi no gukunda abagore b’ifaranga” ari nacyo cyabaye nk’igisembura uyu muhanzi asohora ibiganiro bagiranye amwihaniza.

Ibi byose bikimara guhosha, ubu hasohotse amafoto agaragaza inzu nziza igerekeranye iherereye mu gace ka Kagugu mu Mujyi wa Kigali. Iyi yanditse ku mazina ya Safi Madiba gusa umwe mu basinye ku rupapuro rw’amasezerano y’ubugure[utifuje ko dutangaza izina rye] yahamirije IGIHE ko uwishyuye amafaranga ari ‘Niyonizera Judithe’.

Yagize ati “Iriya nzu ni iya Safi, erega gushinga urugo biba bisaba kubanza ukiyubaka, yayibitseho buriya yanditse mu mazina ye. Abantu be barabizi, nawe wamubaza ndumva yakubwira.”

Mu bashimiye Safi ku bw’iyi nzu harimo Humble Jizzo wanditse kuri Instagram asa n’ugaragaza ko yishimiye kuba Safi yarahisemo Judithe bitandukanye n’uko hari benshi bamuvugirije induru bavuga ko ‘atwaye umugore bataberanye’.

Yagize ati “Umusaza ni umusaza, ndakwishimiye Safi Madiba. Mu biganiro n’abanyamakuru abantu barakubaza ngo natubwire azarongora ryari, wakora ubukwe ngo uwo yarongoye si we. Ariko byose aba ari uguhitamo kwa nyir’ubwite”.

Safi na Judithe ubu baherereye muri Tanzania aho bagiye mu kwezi kwa buki, biteganyijwe ko bazavayo mu mpera z’iki cyumweru bakerekeza mu kindi gihugu. Safi Madiba ntiyabashije kuboneka kuri telefone ngo asobanure byimbitse iby’iyi nzu.

Safi na Judithe ni abakunzi b’igihe gito[ugendeye ku gihe babitangarije] gusa hari amakuru ahamya ko barushinze nyuma y’umwaka n’igice bakundana. Safi yakundanaga na Niyonizera amubangikanya na Parfine nawe bivugwa ko afite amafaranga menshi gusa urukundo rujya aho rushaka.

Aba bombi bakundanye bacenga inshuti zabo, bakihisha cyane amaso y’itangazamakuru ngo batavumburwa ko bari mu rukundo. Mbere ya Safi, Judithe yari afite umugabo w’umuzungu w’Umunya-Canada, uyu baje gutandukana haba gatanya bityo bagabana imitungo ari naho bikekwa ko Judithe yakuye amafaranga yo kugura iyi nzu n’ibindi bikorwa ahuriyemo na Safi.

Inzu ya Safi Madiba na Judithe iri i Kagugu
Mu birori byo gusaba no gukwa Niyonizera Judithe
Niyonizera Judithe umugore wa Safi
Safi Madiba aherutse gutanga inkwano mu muryango wa Judithe ndetse nta bundi bukwe bazakora

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza