Ingangare, Ngarukiye n’itorero Irebero baserukiye u Rwanda muri ITB yabereye i Berlin

Yanditswe na Karirima A. Ngarambe
Kuya 13 Werurwe 2018 saa 08:31
Yasuwe :
0 0

U Rwanda rwegukanye umwanya wa mbere mu bihugu byo ku Mugabane wa Afurika mu Imurika ngaruka mwaka Mpuzamahanga ry’ubukerarugendo (ITB 2018), ribera mu Mujyi wa Berlin mu Budage.

Buri gihugu cyitabira iri murika ngarukamwaka kiba giharanira kureshya ba mukerarugendo b’imihanda yose. Uretse kumurika, rinaganirirwamo ibijyanye n’uburenganzira bw’ikiremwamuntu, kurwanya ihohoterwa ry’umugore n’abana, kurengera ibidukikije n’inyamaswa.

Imurikagurisha rya ITB ryabereye mu Mujyi wa Berlin guhera ku wa Gatatu tariki ya 7 Werurwe risozwa kuwa 11 Werurwe 2018.

Umuco, indangagaciro n’ umwimerere w’ibiranga u Rwanda biri mu byaruhesheje amanota bityo rubona umwanya wa mbere muri Afurika. Izi ngingo ziri mu birebwaho mu mamurikagurisha y’ubukerarugendo.

Nk’uko bisanzwe hatumirwa amatorero yerekana imbyino, imihamirizo, indirimbo ndetse n’imyambarire mu muco wa buri gihugu. Uyu mwaka hari hatumiwe Itorero Irebero, Ingangare n’umukirigitananga Daniel Ngarukiye; aba bose mu bufatanye bahacanye umucyo ndetse bunganiye cyane ibindi byari byateguriwe kwerekena umuco nyarwanda.

Mu byari byateguwe kumurikwa hagaragazwa akarango k’umuco nyarwanda mu Budage harimo inzu yari yubatse mu buryo bushushanya uko hambere Abanyarwanda bubakaga ku buryo uwayirebaga yasaga neza nk’imwe yo mu Rukali i Nyanza, ibikoresho bitandukanye byavuye mu Rwanda, aho wasangaga buri wese uje gusura ikibanza cy’u Rwanda[stand] agenda abaza amateka y’izo ntore yabonye bigatuma agira amatsiko akabaza uko yasura isoko y’ibyo yabonye n’amaso ye.

Ambasaderi w’u Rwanda mu Budage, Igor Cesar na Mutesi Linda wari uhagarariye Ikigo cy’Igihugu cy’Iterambere (RDB), mu gusoza iki gikorwa cyari kimaze icyumweru bashimiye cyane buri wese wagize uruhare ngo kigende neza u Rwanda rutahane intsinzi.

By’umwihariko bashimiye Itorero Irebero, Ingangare na Dniel Ngarukiye uburyo bagaragaje umuco biciye mu majwi meza n’imbyino bigakurura abifiza gusura u Rwanda kurushaho.

U Rwanda rwegukanye umwanya wa mbere mu bihugu byo ku Mugabane wa Afurika mu Imurika ngaruka mwaka Mpuzamahanga ry’ubukerarugendo (ITB 2018)

Muri ‘ITB 2018’ u Rwanda rwaserukiwe n’ibigo bitandukanye bikora mu by’ubukerarugendo birangajwe imbere n’Ikigo cy’Igihugu cy’Iterambere (RDB), RwandAir, Amahoro Tours, ITT ( International Tours & Travel), Charleson Travel Rwanda, Willdlife Tours-Rwanda, Rwanda Eco-Tours, Go Kigali Tours, Primate Safaris, Thousand Hills Africa, Satguru Travels.

U Rwanda rwaje ku mwanya wa mbere muri Afurika rwegukana igihembo cy’umwaka wa 2018, rwakurikiwe na Botswana naho Maroc iza ku mwanya wa gatatu.

Daniel Ngarukiye n'Ingangare mu gitaramo cyasoje iri murika ngarukamwaka
Ngarukiye yakirigise inanga benshi baranyurwa
Ngarukiye Daniel, umwe mu bakirigitananga batojwe na Sentore Athanase
Umwe mu bagize Ingangare
Ingangare, Daniel Ngarukiye n'abagize Irebero bashimishije benshi mu murishyo w'ingoma
Abanyamahanga wabonaga baryohewe n'imbyino nyarwanda
Abakobwa bagize itorero Irebero baserutse mu mbyino gakondo
Aba bahanzi bagize uruhare rukomeye mu guhesha u Rwanda igihembo ruherutse kubona

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza