Indirimbo ya Diamond yagaragaye mu zizaherekeza “Coming to America 2” yavuzwemo Hotel Rwanda bigakurura impaka

Yanditswe na Uwiduhaye Theos
Kuya 19 Gashyantare 2021 saa 10:23
Yasuwe :
0 0

Indirimbo ya Diamond Platnumz n’itsinda ryo muri Jamaica rya Morgan Heritage yitwa ‘Hallelujah’ iri muri 16 z’abahanzi batandukanye ziri kuri album izaherekereza filime “Coming to America 2” itaravuzweho rumwe kubera amagambo yayikoreshejwemo yibasira Afurika n’u Rwanda.

Urutonde rw’indirimbo 16 zitandukanye zizaherekeza iyi filime rwashyizwe hanze mu minsi ishize na Universal Music Group Africa.

Universal Music Group Africa yavuze ko yahuje izi ndirimbo mu rwego rwo gukuraho ikiraro kiri hagati y’intera y’ibihugu ndetse no guhuza imico y’Abanyafurika.

Uretse Diamond ufite indirimbo kuri uru rutonde hariho abandi bahanzi bo muri Afurika nka Tiwa Savage na Tekno bo muri Nigeria , DJ Arafat wo muri Côte d’Ivoire uherutse kwitaba Imana, Prince Kaybee na Msaki bo muri Afurika y’Epfo na Fally Ipupa wo muri Repubulika Iharanira Demokarasi ya Congo n’abandi.

Indirimbo ziriho ni ‘Black And White’ ya Nasty C na Ari Lennox, ‘Owo Ni Koko – Larry Gaaga & Umu Obiligbo, ‘Magnet’ ya Locko, ‘Skeletun’ ya Tekno, ‘Overdue’ ya Tellaman na Sha Sha, ‘Jiggy Bop’ ya Alpha P & TMXO, ‘Dosabado’ ya DJ Arafat, ‘Fetch Your Life’ ya Prince Kaybee na Msaki, ‘Dangerous Love’ ya Tiwa Savage (DJ Ganyani Amapiano Radio Edit Remix), ‘Moya Omubi’ ya Th&o na ‘Hallelujah’ Diamond Platnumz na Morgan Heritage.

Harimo kandi ‘Ye Mama’ ya Toofan na Fally Ipupa, ‘Ain’t It True’ Bonj, ‘Loke Loke’ ya Gemini Major na ANATII, ‘Shesha’ ya De Mthuda & Njelic na ‘Everything’ ya Ricky Tyler.

“Coming to America 2” ya Eddy Murphy biteganyijwe ko izajya hanze muri Werurwe 2021, igaragaramo abakinnyi batandukanye nka Arsenio Hall, Jermaine Fowler, Leslie Jones, Tracy Morgan, KiKi Layne, Shari Headley, John Amos, Teyana Taylor, Wesley Snipes na James Earl Jones.

Agace gato kayo kagiye hanze mu minsi ishize abatari bake banenze ibirimo, bavuga ko n’ubwo ari iy’urwenya hari ibintu batagombaga kubikiniraho.

Aka gace kagiye hanze kavugwamo ’Hotel Rwanda’ ifite amateka afite aho ahuriye na Jenoside yakorewe Abatutsi mu 1994, Ebola ikunze kwibasira abantu muri RDC, Kunta Kinte uzwi mu nkuru y’Umunya-Gambia wajyanywe mu bucakara muri Amerika agapfirayo, inzara yo muri Afurika n’ibindi byibasira uyu mugabane.

Icyo gihe, abantu batandukanye bifashishije Urubuga rwa Twitter nyuma y’uko aka gace kagiye hanze bamaganye amagambo arimo bamwe bagereranya iyi filime n’umwanda.

Indirimbo ya Diamond iri mu zizaherekeza 'Coming to America'
Iyi filime yamaganiwe kure kubera kwibasira Afurika

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .