00:00:00 IGIHE NETWORK KN KINYARWANDA EN ENGLISH FR FRANCAIS

Ikibatsi cy’urukundo hagati ya Cyusa n’umubyeyi bacuditse

Yanditswe na Uwiduhaye Theos
Kuya 22 Ugushyingo 2021 saa 03:39
Yasuwe :
0 0

Cyusa Ibarahim uzwi mu ndirimbo za gakondo n’umugore witwa Jeanine Noach bamaranye iminsi muri Zanzibar, bakomeje kugaragarizanya urukundo rudasanzwe bifashishije imbuga nkoranyambaga.

Mu minsi yashize nibwo bombi bashyize amafoto ku mbuga nkoranyambaga abagaragaza bari mu byishimo ahitwa Gold Zanzibar Beach House and Spa.

Aya mafoto yagiye hanze nyuma y’aho bari bamaze iminsi bavugwa mu rukundo kubera amashusho basangije ababakurikira ku mbuga nkoranyambaga, buri wese abwira undi ko amukumbuye.

Kuri ubu noneho nta guca ku ruhande buri umwe yatangiye gutera imitoma mugenzi we amwereka ko ari we buzima bwe mu rukundo.

Habanje Jeanine Noach wanditse kuri Instagram agira ati “Urukundo rushobora kumara ubuziraherezo rutaraboneka ariko kuva urwacu rwavuka ntabwo ntewe ubwoba n’ahazaza.”

Cyusa yanditse kuri Instagram agaragaza ko yishimiye kuba ari mu rukundo n’uyu mubyeyi.

Mu magambo yanditse yagize ati “Impuha nizijure mundeke mvuge imvaho. Wowe nseko y’umusereko ukaba inyamibwa mu ngenzi; amenyo nk’ingwa yera; imico myiza ikuranga yavugwa n’abakuzi ingingo. Uw’imbabazi wa cyusa Jeanine Noach.”

Jeanine Noach asanzwe aba mu Bufaransa, aza mu Rwanda akenshi aje gusura umuryango yahasize.

Cyusa n'uyu mugore batangiye kwerura ko bakundana
Urukundo ruravuza ubuhuha hagati ya Cyusa n'uyu mugore
Aba bombi bamaze iminsi bari kumwe ahitwa Gold Zanzibar Beach House and Spa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .