00:00:00 IGIHE NETWORK KN KINYARWANDA EN ENGLISH FR FRANCAIS

Igor Mabano yasabye anakwa umukunzi we

Yanditswe na Uwiduhaye Theos
Kuya 29 Kanama 2021 saa 12:39
Yasuwe :
0 0

Umuhanzi Igor Mabano uherutse gusezerana imbere y’amategeko n’umufasha we, kuri uyu wa Gatandatu yasabye anakwa umukunzi we mu birori byitabiriwe n’ibyamamare bitandukanye mu Rwanda.

Uyu muhango wabereye ku Kimironko mu mujyi wa Kigali. Igor Mabano yari agaragiwe n’abarimo Nel Ngabo, OG the General, Janvier Kayitana, Frank Double Bass, Shiny Abdallah, Andy Bumuntu , Yvan Buravan n’abandi.

Amakuru IGIHE ifite ni uko umuhango wo gusezerana imbere y’Imana uzaba kuwa Gatandatu utaha.

Mabano yari aherutse gusezerana imbere y’amategeko n’umufasha we, mu birori byari byaragizwe ibanga rikomeye kuko uyu muhanzi atigeze yifuza ko bijya mu itangazamakuru.

Ni umuhango wabereye ku biro by’Umurenge wa Kimihurura ku wa Gatanu tariki 27 Kanama 2021.

Igor Mabano afite ubuhanga mu gukirigita ibicurangisho bitandukanye birimo Ingoma za kizungu, Guitar ndetse na Piano. Akaba n’umuririmbyi. Byose yabihuguriwe mu ishuri rya muzika ku Nyundo.

Ni imfura mu bize muri iri shuri ndetse yari mu bayoboye mu itsinda ry’umuziki ryahavukiye ryitwa ‘Sebeya band’ ryaje gutandukana. Ubu yigisha ibijyanye no kuvuza ingoma za kizungu nyuma yo gusoza mu 2016.

Igor Mabano n'umukunzi we mu muhango wo gusaba no gukwa
Inshuti n'abavandimwe baje gushyigikira Mabano. Iburyo hari Ishimwe Clement uyobora Kina Music
Kuri uyu wa Gatanu ubwo Igor Mabano yasezeranaga imbere y'amategeko
Umukunzi wa Igor Mabano yemera kubumera umufasha imbere y'amategeko
Igor Mabano n'umufasha we ubwo bari bavuye gusezerana mu murenge

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .