Kwamamaza

Icyamamare Nneka azafasha Keziah Jones mu gitaramo azakorera i Kigali

Yanditswe kuya 24-09-2016 saa 09:44' na IGIHE


Umuhanzi w’icyamamare muri Nigeria, Keziah Jones ategerejwe mu gitaramo gikomeye azakorera mu Mujyi wa Kigali kuri iki Cyumweru tariki ya 25 Nzeri 2016, azafatanya na mugenzi we w’ikirangirire Nneka.

Umuririmbyi Olufemi Sanyaolu [Keziah Jones] umaze imyaka 24 akora umuziki agiye azaririmbira i Kigali mu bushorishori bwa Ubumwe Grande Hotel aho ategerejwe n’abatari bake by’umwihariko abakunda ubwoko bw’umuziki akora wa ‘Blufunk’.

Karengera Kirenga Eric Soul uhagarariye Afrogroov yateguye igitaramo cya Keziah Jones yavuze ko uyu muririmbyi azafatanya na Nneka na we wo muri Nigeria. Yavuze ko bizongerera imbaraga iki gitaramo.

Nneka Lucia Egbuna, ni umuhanzi w’Umunya-Nigeria ukomoka kuri se w’Umudage. Aririmba mu njyana zitandukanye Hip Hop, Soul, R&B, Afrobeat, Reggae na Jungle Pop. Yaherukaga gukorera igitaramo mu Rwanda muri Gashyantare 2016 ubwo yari yitabiriye Isaano Arts Festival, yanaharirimbiye mu mwaka wa 2012; muri ibi bitaramo byombi yerekanye ko ‘ari umuhanzi ntagereranywa’.

Nne afitanye indirimbo na Keziah Jones bise ‘Long Distance Love’ yaririmbanye na Nneka Egbuna [na we wo muri Nigeria]. Aba bombi bafite amateka yihariye mu muziki bakora wiganjemo ubutumwa bwigisha abatuye Isi gukundana no gusakaza amahoro.

Nneka azafatanya na Keziah Jones muri iki gitaramo

Igitaramo cya Keziah Jones na Nneka kizatangira saa kumi n’ebyiri zuzuye, kwinjira ni ukwishyura amadolari 35 (akabakaba 30,000frw). Amatike aragurishirizwa mu Mujyi wa Kigali rwagati kuri 4G Square , NeoCafe, Shokola ku Kimihurura na Inzora Cafe.

Abazitabira iki gitaramo kandi bashobora kugura itike yo kwinjira muri iki gitaramo bakoresheje uburyo bwa PayPal ndetse no kugura bifashishije ikarita mvunjwafaranga[credits cards].

Iki gitaramo cya Keziah Jones cyateguwe n’itsinda rya ba rwiyemezamirimo bo mu karere bibumbiye hamwe mu guteza imbere umuco, imyidagaduro no kuzamura ireme ry’umuziki wa live by’umwihariko mu Rwanda no mu karere.

Cyateguwe ku bufatanye bw’abasanzwe bazobereye mu gutegura ibitaramo by’umuziki ucurangiwe aho barimo Afrogroov, Ishyo Arts Center, Positive Production ndetse n’ikompanyi ikomeye muri Kenya yitwa Roots International.

Ubwo Nneka aheruka gucurangira i Kigali

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 4 Ugushyingo 2016
Copyright © 2009 -2014 - IGIHE Ltd - All Rights Reserved