Ibya DJ Ira n’umukunzi we byajemo gishegesha

Yanditswe na Uwiduhaye Theos
Kuya 31 Mutarama 2021 saa 06:57
Yasuwe :
0 0

Iradukunda Grace Divine [Dj Ira] yatandukanye n’umusore witwa Niyomugabo Régis uzwi nka Ziggy bari bamaze igihe bakundana.

DJ Ira mu mutima wa Niyomugabo yasimbujwemo undi mukobwa witwa Ishikanwa Ruth, ndetse we n’umukunzi we bakunze kwereka ababakurikira ko baryohewe mu rukundo.

Niyomugabo yabwiye IGIHE ko byabaye ngombwa ko buri wese aca inzira ye hagati ye na DJ Ira kubera ko babonye bidashoboka ko bakomezanya.

Ati “Twaratandukanye. Byararangiye byatewe n’impamvu ubu ntasobanura ariko byabayeho.”

Urukundo rw’aba bombi ntabwo rwakunze kugarukwaho mu itangazamakuru, gusa abakurikiranaga Dj Ira, ku mbuga nkoranyambaga bakundaga kubibona.

Mu Ukuboza 2020, ubwo Niyomugabo yajyaga mu mirimo mishya i Dubai, Dj Ira yagaragaje agahinda gakomeye yari yatewe n’uko umukunzi we amusize.

Icyo gihe, Dj Ira abinyujije ku mbuga nkoranyambaga yagize ati ”Ntacyo mfite cyo kuvuga uretse kukubwira ngo amahirwe masa mu buzima bushya utangiye, ntewe ishema nawe. Ndabizi ko uri buhagere amahoro.”

“Ndagushimira urukundo wampaye, wabaye iruhande rwanjye, ndagushimira kuri buri kimwe wankoreye. Ndabizi ko utazigera wicuza kuba warampisemo. Ndagukunda rukundo rwanjye, urugendo rwiza.”

Dj Ira ni umwe mu bahanga mu kuvanga imiziki, umwuga amazemo imyaka irenga ine kuko yabitangiye mu 2016. Yabyigishijwe na mubyara we Dj Bissosso wanamufashije kuzamuka no kumenyekana mu Rwanda. Dj Bissosso yazanye mubyara we Dj Ira i Kigali muri Kanama 2015 ubwo yari arangije amashuri yisumbuye.

Niyomugabo wari umukunzi we we asanzwe akora ibikorwa bitandukanye by’ubushabitsi.

Dj Ira na Niyomugabo bari bamaze iminsi bari mu munyenga w'urukundo
Nubwo Dj Ira mu minsi ishize yizezaga uyu musore ko atazicuza impamvu yamuhisemo ibyabo byaje kurangira bidateye kabiri

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .