Kwamamaza

I Kampala, Wizkid ashobora gutungurwa n’abahanzi yaraje rwantambi i Kigali

Yanditswe kuya 5-09-2016 saa 15:25' na Munyengabe Murungi Sabin


Umuririmbyi Ayodeji Ibrahim Balogun [Wizkid] uherutse gukorera igitaramo i Kigali ategerejwe mu kindi gikomeye yatumiwemo mu Mujyi wa Kampala muri Uganda.

Mu Rwanda Wizkid yitabiriye igitaramo cya Mützig Beer Fest, cyahuruje ibihumbi by’abantu bari bahuriye i Rugende mu ijoro ryo kuri uyu wa 27 Kanama 2016. Ubwitabire bwari ku rwego rukomeye, abari bacyereye igitaramo bari biganjemo abakobwa bakibyiruka bagaragaje ko bakunda bikomeye Wizkid wo muri Nigeria.

Mu minsi itatu Wizkid yamaze mu Mujyi wa Kigali abahanzi biyumvamo imbaraga n’ubushobozi bwo kwambutsa umuziki wabo imipaka bamuhigaga ijoro n’amanywa bamusaba ko yaririmbana na bo.

Abahanzi IGIHE izi bashakishije inzira zibageza kuri Wizikid[ubwo yari i Kigali] harimo Buravan, Urban Boyz na Asinah. Aba bose bamusabaga ko yabemerera bagakorana indirimbo gusa yahavuye nta n’umwe baganiriye.

Ababuze aho bapfumurira i Kigali bashobora kujya i Kampala

Buravan yabwiye IGIHE ko yagerageje gushaka inzira zamugeza kuri Wizkid ubwo yari mu Rwanda, gusa ngo ntiyifuzaga ko bahita bakorana indirimbo ahubwo yasabaga ko yahura n’itsinda rifasha uyu muhanzi akaryumvisha indirimbo ze bityo ibyo gusaba bikazaba nyuma.

Ati “Narabishakaga ariko sinifuzaga ko duhita turirimbana […] Uriya musaza manager wa Wizkid namugezeho, namwumvishije indirimbo zanjye arazishima, nashakaga contacts kandi byarashobotse, umuntu aba ashakisha tu ngo turebe icyavamo. Yambwiye ko azansubiza, ngo azamfasha…”

Mu gicuku cyo kuwa Gatandatu tariki ya 27 Kanama 2016, mbere y’uko Wizkid ajya kuririmba i Lugende, Urban Boyz n’umujyanama wayo bari bicaye kuri Marriot Hotel bashaka uyu muhanzi gusa yarinze ajya mu gitaramo batamugezeho.

Asinah na we wifuzaga ko yabonana na Wizkid bagakorana umushinga, iryo joro yari yicaye kuri Marriot Hotel ashakisha Wizkid. Yagiranye ibiganiro na Manager w’uyu muhanzi ndetse ngo hari ibyo bemeranyije. Aba bose bashobora kuzasanga Wizkid i Kampala mu gitaramo agiye kuhakorera.

Ni urugamba rutoreshye kugera kuri uyu muhanzi,n’abahanzi bakomeye muri Uganda barimo Radio&Weasel ndetse na Navio bari baje guhurira na we i Kigali hari amakuru avuga ko basubiyeyo nta n’umwe umubonye. Binavugwa ko Navio[ufitanye ubumwe na Wizkid] yamusabye ko bakorana hanyuma bamuca amadolari 15,000[hafi miliyoni 12 z’amafaranga y’u Rwanda] undi arayabura gahunda ipfa ubwo.

Wizkid ngo arakubita agatoki ku kandi avuga ko ‘igitaramo yatumiwemo i Kampala azagikoreramo ibidasanzwe’. Uyu muhanzi ukunzwe cyane muri Afurika na Leta Zunze Ubumwe za Amerika azaririmbira kuri stade ya Lugogo Cricket Oval kuwa 3 Ukuboza 2016.

Chimpreports yatangaje ko iki gitaramo cya Wizkid muri Uganda cyatangiye gutegurwa mu gihe hasigaye amezi atatu. Igitaramo bacyise “Wizkid Live in Concert”, azacyitabira avuye mu rugendo rw’ibitaramo afite ku Mugabane w’u Burayi.

Wizkid ategerejwe i Kampala

Wizkid avuga kuri iki gitaramo yagize ati “Nzazana n’itsinda ryanjye ryose, nizeye ko nzagira ibihe byiza n’abafana banjye muri Uganda.”

Muri iki gihe afite indirimbo zikunzwe mu bihugu byinshi ku Isi zirimo “One Dance” yahuriyemo na Drake, “Ojuelegba”, “Final”, “Show You the Money”,Shabba ft Chris Brown&French Montana n’izindi.

Ni ku nshuro ya kabiri Wizkid agiye gukorera igitaramo muri Uganda. Mu Kwakira 2014, Wizkid yaririmbiye i Kampala mu gitaramo cyitabiriwe cyane cya “Guinness All Black VIP Party”, iki cyabereye kuri Golf Course Hotel.

I Kigali Wizkid yaririmbiye abafana babarirwa mu bihumbi
Weasel yaje yiteguye ko bafata amashusho y'indirimbo eshatu bafitanye na Wizikid ntibyakunda

Amafoto y’igitaramo cya Wizkid i Kigali


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 11 Ukuboza 2016
Copyright © 2009 -2014 - IGIHE Ltd - All Rights Reserved