Kwamamaza

Herbert Rock yakoze album y’indirimbo z’Ikinyarwanda yacuranze muri Jazz

Yanditswe kuya 27-10-2016 saa 11:42' na Munyengabe Murungi Sabin


Herbert Rock, umuhanga mu gucuranga umwirongi agiye gushyira hanze album ibumbiyeho indirimbo z’Ikinyarwanda zicuranze mu njyana ya Jazz mu gitaramo azakorera muri Kigali Serena Hotel kuri uyu wa 28 Ukwakira 2016.

Iyi album yayise ‘Sax in the City’, ni yo ya mbere agiye kumurika mu myaka igera ku munani amaze acuranga. Yayibumbiyeho indirimbo zirimo iz’abahanzi bakunzwe mu Rwanda ndetse n’abo muri Uganda.

Herbert Rock yabwiye IGIHE ko yakoze iyi album agashyiraho indirimbo z’Ikinyarwanda mu rwego rwo kubanza kwigarira abakunda umuziki bo mu Rwanda no kugira ngo arebe uko izakirwa ku isoko akabona gusohora iriho indirimbo ze gusa.

Yagize ati “Nahisemo kuyisohora muri ubu buryo kuko maze igihe kinini nkorera umuziki hano, mfite abantu benshi bakunda uburyo ncuranga. Umuziki ni nk’ibiryo, uhitamo guha abafana icyo ukeka ko bari bwishimire.”

“Kuri iyi album hariho indirimbo ebyiri zanjye bwite ariko nashyizeho iz’abahanzi bo mu Rwanda nka Agasaza na Nyaruguru, izi zarakunzwe kandi kuzicuranga mu buryo bwa Jazz nkeka ko zizarushaho gukundwa.”

Indirimbo zigize album ya mbere ya Jazz uyu muhanzi agiye kumurika zirimo iyitwa ‘Agatako’ ya Dj Pius, Agasaza, Ndagukunda ya King James, Nyaruguru ya Samputu, Yantumye ya King James, Indoro ya Charly &Nina, Valu Valu ya Dr Jose Chameleone, Sax in the City n’izindi.

Herbert Rock w’imyaka 30 yatangiye gucuranga saxophone mu mwaka wa 2008. Yanyuze mu matsinda acuranga atandukanye mu Mujyi wa Kampala, yaje mu Rwanda muri 2014 ahita yinjira muri Neptunez band ari nayo yamenyekaniyemo cyane.

Mu gucuranga yakuraga ubumenyi ku bahanzi babikoze mu myaka yatambutse barimo Kirk Whalum, Grover Washington Jr, Sonny Rollings, Stan Gates, Dexter Gordon na Isaiah Katumwa.

Herbert Rock hano yafatanyije na Nirere Shanel mu gucuranga

Umva uko Herbert yacuranze ’Agatako’ n’umwirongi


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved