Hateguwe igikorwa cyo koza imodoka hakusanywa inkunga yo gufasha Ishimwe wazahajwe n’impanuka

Yanditswe na Nsengiyumva Emmy
Kuya 3 Ukwakira 2019 saa 04:21
Yasuwe :
0 0

Muri Nzeri 2019 abahanzi baririmba indirimbo zihimbaza Imana bakoze igitaramo cyo gutabariza umwana w’umukobwa w’imyaka 10 witwa Ishimwe Esther ufite uburwayi bukomeye yatewe n’impanuka yakoze mu 2018.

Iki gitaramo cyiswe ‘Stand For Esther Charity concert’ cyabereye muri Galaxy Hotel ku wa 8 Nzeri 2019 cyakusanyije asaga miliyoni 2 348 641 Frw n’amadolari ya Amerika 3300 yose wayateranya akavamo arenga 5 000 000 Frw.

Ishimwe Esther ukomoka i Kabuga mu Mujyi wa Kigali, yahuye n’uburwayi bukomeye yatewe n’impanuka y’imodoka yakoze muri Werurwe 2018 ubwo yavaga ku ishuri arimo gutaha.

Imodoka yamugonze yataye umuhanda imusanga ahagendera abanyamaguru iramukubita agwa ku nkengero z’umuhanda, arakomereka cyane.

Iyo mpanuka yamusigiye uburwayi bukomeye usibye kuvunika amagufa, yanamusigiye ibikomere ku bwonko. Kugeza ubu ntabasha kuvuga ndetse no kugenda.

Umuryango wa Ishimwe wagerageje kumuvuriza mu Rwanda ariko bikomeza kugorana kugeza ubwo bagiriwe inama ko bamujyana kumuvuza mu mahanga.

Abaganga bavuze ko Ishimwe avuriwe mu Buhinde ashobora gukira uburwayi afite. Hakenewe nibura amadolari 20 000 (miliyoni hafi 18 Frw) ngo avurwe.

Bijyanye no kuba aya mafaranga yakusanyijwe ari make ugereranyije n’akenewe ngo avurwe abagiraneza bakomeje gutegura ibikorwa byafasha uyu mwana gukusanyirizwa inkunga.

Ni muri urwo rwego bateguye igikorwa cyo koza imodoka kizaba tariki 5 Ukwakira 2019, kuva saa mbiri za mu gitondo kugeza saa kumi n’imwe z’umugoroba. Byitezwe ko bizabera ahitwa ‘Pearltrading Car Wash’ mu Kanogo.

Abashaka gufasha uyu mwana bashyiriweho uburyo bunyuranye
Ishimwe Esther abaganga bahamya ko avuwe neza yakira
Mu gitaramo uyu mwana yakorewe hakusanyijwe agera kuri Miliyoni 5
'Car Wash' yateguwe mu rwego gukusanya inkunga ya Esther

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza