00:00:00 IGIHE NETWORK KN KINYARWANDA EN ENGLISH FR FRANCAIS

Hakomeje gukekwa umubano udasanzwe hagati y’umuhanzikazi Marina na Yvan Muziki

Yanditswe na Nsengiyumva Emmy
Kuya 28 Kanama 2021 saa 11:57
Yasuwe :
0 0

Kuva mu minsi ishize ubwo umuhanzi Yvan Muziki usanzwe ukorera umuziki we ku mugabane w’u Burayi yatangiraga ibiruhuko ari gukorera mu Rwanda, hatangiye kuvugwa inkuru y’uko yaba afitanye umubano udasanzwe n’umuhanzikazi Marina.

Yvan Muziki usanzwe ukorera umuziki mu Bubiligi aho anatuye yageze i Kigali mu minsi ishize, kuva yahagera yatangiye umubano na Marina inshuro nyinshi bakunze kugaragara bari kumwe.

Amakuru IGIHE yabonye ni uko umubano w’aba bombi watangiye kuba mwiza ubwo Marina yerekezaga ku mugabane w’u Burayi mu ntangiriro z’umwaka ushize.

Ubwo yari avuyeyo, Marina yavuze ko yishimiye bikomeye uburyo yakiriwe n’Abanyarwanda batuyeyo.

Iki gihe yashimiye bamwe mu bamwakiriye neza ariko ntiyahishura neza izina Yvan Muziki kuko ari umwe mu bo bubatse umubano udasanzwe.

Mu gushaka kumenya ukuri ku rukundo ruvugwa hagati y’impande zombi, twifuje kuvugana na Marina ku murongo wa telefone ariko ntibyakunda kuko kugeza ubwo twandikaga iyi nkuru atitabaga telefone ye igendanwa.

Mu kiganiro twagiranye na Yvan Muziki we, yavuze ko nta byinshi afite gusobanura ku mubano we na Marina, yirinda guhamya cyangwa guhakana ko bakundana.

Ati “Ubuse njye gusobanura ngo kanaka turakundana? Marina ni inshuti yanjye ariko ibindi byo ntacyo numva rwose nabivugaho. Ni umuhanzikazi mwiza, nkunda umuziki we kandi nzi neza ko na we yifuza ko natera imbere.”

Urukundo rw’aba bahanzi rwatangiye kuvugwa mu minsi ishize ubwo bakundaga kujyana mu biganiro bitandukanye bamamaza indirimbo zabo cyane ko buri wese afite inshya aherutse gusohora.

Marina aherutse gusohora indirimbo yise ‘Brigade’ mu gihe Yvan Muziki we afite iyitwa ‘Mpa ku mazi.’

Marina uherutse guhamya ko afite umusore bameze neza mu rukundo, biravugwa ko yaba abanye neza na Yvan Muziki
Yvan Muziki usanzwe ukorera umuziki mu Bubiligi ari mu biruhuko i Kigali

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .