Hagiye gutoranywa umukobwa uzajya mu Bushinwa guhatanira Miss Tourism Global

Yanditswe na Uwiduhaye Theos
Kuya 15 Gashyantare 2021 saa 05:12
Yasuwe :
0 0

Ku nshuro ya mbere mu Rwanda hagiye gutoranywa umukobwa uzitabira irushanwa rya Miss Tourism Global 2021, rizabera mu Bushinwa rigahuza abakobwa baturutse mu bihugu bitandukanye ku Isi yose.

Biteganyijwe ko abakobwa bashaka kwitabira iri rushanwa ubusanzwe ritegurwa na sosiyete ya Embrace Afrika, bagomba kwifashisha urubuga rwayo biyandikisha.

Kimwe mu bisabwa ku mukobwa ushaka kuryitabira harimo kuba afite imyaka iri hagati ya 18 na 25, kandi akaba afite ubwenegihugu bw’u Rwanda, akaba anafite uburebure bwa 1.64.

Umukobwa asabwa kandi kohereza amafoto atatu ye ahabugenewe ku rubuga rwa Embrace Afrika, ayo mafoto akayandikaho amazina ye yose kandi akaba ari meza. Ikindi akaba atarengeje uburemere bwa 80mb.

Gutoranya umukobwa uzaserukira u Rwanda bizakorwa hakurikijwe amabwiriza yo kwirinda COVID-19 kuko bizakorwa hifashishijwe internet. Umukobwa uzahagararira u Rwanda azahabwa itike y’indege yo kujya mu Bushinwa ndetse n’ibindi bizakenerwa byose muri iri rushanwa.

Umukobwa uhiga abandi muri iri rushanwa yegukana ibihumbi 10 by’amadorali ya Amerika, hafi miliyoni 10 Frw. Ubaye igisonga cya mbere ahembwa ibihumbi bitanu by’amadorali, igisonga cya kabiri agahabwa ibihumbi bitatu mu gihe igisonga cya gatatu ahabwa amadorali ya Amerika 1000.

Ikindi abakobwa bose bazabasha kwegukana imyanya bazagenerwa izindi mpano n’abaterankunga batandukanye. Miss Tourism yari gutorwa mu mwaka ushize ariko ntibyakunda kubera Coronavirus.

Irushanwa nk’iri riheruka kuba ku wa 8 Ugushyingo 2019 ahitwa Sunway Resort Hotel & Spa muri Malaysia. Icyo gihe ikamba ryegukanywe na Kateryna Kachashvili wo muri Ukraine.

Ushaka kwiyandikisha wanyura hano: https://www.embraceafrika.com/pageant-registration-page-miss-tourism-global-rwanda/

Umukobwa ubaye uwa mbere ahembwa 10 000 by'amadolari
Iri rushanwa rihuriramo abakobwa bo mu bihugu bitandukanye
Kateryna Kachashvili wo muri Ukraine ni we ufite iri kamba
Iri rushanwa rigiye kuba ku nshuro ya gatatu kuko ryatangiye mu 2018
Hari gushakwa umukobwa uzaserukira u Rwanda muri iri rushanwa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .