Emmy yasohoye indirimbo ‘Dokima’ yakoreye umukunzi we baherutse kwemeranya kubana

Yanditswe na Nsengiyumva Emmy
Kuya 23 Mutarama 2021 saa 01:20
Yasuwe :
0 0

Nsengiyumva Emmanuel benshi bamenye nka Emmy mu muziki w’u Rwanda yasohoye indirimbo ye nshya yise ‘Dokima’, yakoreye umukunzi we baherutse no kwemeranya kubana akamwambika impeta.

Iyi ndirimbo ‘Dokima’, Emmy yatangiye kuyikoraho akiri muri Leta Zunze Ubumwe za Amerika.

Mu minsi ishize ubwo yazaga mu Rwanda aho yari azanywe no kwambika impeta umukunzi we, yaboneyeho umwanya wo kongera kuyikoraho bwa nyuma ndetse anayifatira amashusho.

Ni indirimbo igaruka ku musore uba ubwira umukunzi we ko amukunda, amusaba ko nawe yamuha urukundo rwe.

Hari aho agira ati “Ukuntu niyumva ndashaka ko nawe ariko wiyumva, nzakubera Romeo nawe uzambere Juliet.”

Emmy ntabwo yerura ngo ahamye ko iyi ndirimbo yayikoreye Umuhoza Joyce umukunzi we aherutse no kwambika impeta.

Mu kiganiro na IGIHE yagize ati “Ni indirimbo buri wese yakwifashisha ashaka kubwira umukunzi we ibyo amutekerezaho, sinavuga ko nanjye ntayikoresha ariko ni iya buri wese wakwifuza kuyikoresha.”

Uyu muhanzi yavuze ko ari indirimbo atuye buri wese ufite umukunzi yabwira aya magambo.

Dokima ya Emmy ibaye indirimbo ya mbere isohotse ku rutonde rw’izindi nyinshi uyu muhanzi amaze iminsi akorera mu Rwanda mbere y’uko asubira muri Amerika.

Mu buryo bw’amajwi yakozwe na Element umwe mu bahanga u Rwanda rufite muri iki gihe. Amashusho yayo yafashwe anatunganywa na Big Team itsinda riri mu agezweho muri Kigali.

Emmy na Joyce bemeranyije kubana akaramata
Emmy amaze iminsi mike ari mu Rwanda aho yanambikiye impeta umukunzi we

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .