Ellen DeGeneres yagarutse mu kiganiro cye nyuma yo gukira COVID-19

Yanditswe na Uwiduhaye Theos
Kuya 15 Mutarama 2021 saa 11:17
Yasuwe :
0 0

Umunyarwenya Ellen DeGeneres yasubukuye ikiganiro cye kizwi nka ‘Ellen DeGeneres Show’ nyuma y’iminsi yari amaze arwaye COVID-19.

Mu kiganiro cye gishya cyatambutse ku wa Gatatu w’iki Cyumweru yavuze kuri COVID-19 yanduye mu minsi ishize, ariko yemeza ko ubu noneho ameze neza nta kibazo na kimwe afite.

Yavuze ko ubwo yamenyaga ko yanduye COVID-19, Ellen DeGeneres yahise yishyira mu kato yitandukanya n’umugore we Portia de Rossi.

Ati “Nagombaga kwishyira mu kato, Portia de Rossi yanshyize mu cyumba gitandukanye n’icye mu buriri butandukanye.”

Yavuze nta bimenyetso bihambaye bya Coronavirus yari afite, kuko nta mutwe yababaraga, ntiyigeze abihirwa n’ibiryohera n’ibindi bimenyetso biranga umuntu wanduye Coronavirus.

Yavuze ko atazi aho yanduriye Coronavirus, ati “Ikintu gitangaje ni uko, ntazi aho nayanduriye. Na n’ubu ntabwo mpazi. Nambara agapfukamunwa, nkaraba intoki.”

Ellen DeGeneres yakoze iki kiganiro yifashishije ikorabuhanga nka bumwe mu buryo bwo kwirinda Coronavirus.

Muri Nzeri umwaka ushize nibwo Ellen DeGeneres yasubukuye ikiganiro cye cyari kimaze iminsi kirimo urunturuntu.

Byari nyuma yaho abakozi bo hejuru muri Ellen DeGeneres Show barimo Ed Glavin, Kevin Leman na Jonathan Norman, basezerewe nyuma y’ihohotera rishingiye ku gitsina bavugwaho n’indi mico mibi.

Ellen DeGeneres yagarutse mu kiganiro cye nyuma yo gukira COVID-19

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .