Dushimimana Lydia mu bakobwa barenga 80 bazahatanira Miss Heritage Universe

Yanditswe na Munyengabe Murungi Sabin
Kuya 7 Kamena 2018 saa 11:48
Yasuwe :
5 0

Dushimimana Lydia wabaye Nyampinga w’Umurage n’Umuco muri Miss Rwanda ya 2018, yatumiwe kuzahagararira u Rwanda mu marushanwa ya Miss Heritage Universe azahuriza hamwe abakobwa barenga 80.

Irushanwa rya Miss Heritage Universe ryateguwe mu ishusho ijya gusa na Miss Heritage Global yari isanzwe ibera muri Afurika y’Epfo na Zimbabwe gusa abayiteguraga baje kugirana ukutumvikana umwe ajya gutangiza irye.

Iry’umwaka ushize ntiryabaye, u Rwanda rwagombaga guhagararirwa na Shimwa Guelda. Icyo gihe ryagombaga kubera i Midrand, Johannesburg muri Afurika y’Epfo.

Miss Heritage Universe, izabera mu Mujyi wa Kampala muri Uganda mu Ukwakira 2018. Dushimimana Lydia w’imyaka 19 ni we uzaserukira u Rwanda; yatumiwe biciye muri kompanyi ya Rwanda Inspiration Back Up ari nayo yari isanzwe yohereza umukobwa muri Miss Heritage Global.

Iri rushanwa rizabera mu Mujyi wa Kampala ku nshuro ya mbere rizahuriza hamwe abakobwa 80 bo mu bihugu byiganjemo ibya Afurika ndetse no ku yindi migabane.

Uganda yatoranyijwe nk’igihugu kigomba kwakira iri rushanwa bigizwemo uruhare na Ronnie Nsubuga, Umuyobozi wa Crystal Models Africa isanzwe itegura ibikorwa byo guteza imbere abanyamideli.

Dushimimana Lydia ari mu bakobwa barenga 80 bazahatanira Miss Heritage Universe

Iri rushanwa rizategurwa ku bufatanye na Minisiteri y’Ubukerarugendo muri Uganda, Ikigo cy’Igihugu cy’Ubukerarugendo, Umujyi wa Kampala ndetse n’Ikigo cy’igihugu cy’ingoro z’umurage wa Uganda.

Miss Heritage Universe izamara ibyumweru bibiri ibera mu Mujyi wa Kampala, abakobwa bazaba bacumbitse muri hoteli Pearl of Africa.

Dushimimana yiteguye kujya guhatanira ikamba rya Miss Heritage Universe
Uyu mukobwa ni we ufite ikamba rya Miss Heritage yakuye muri Miss Rwanda 2018

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza