Kwamamaza

Dj Zizou yashinze inzu itunganya umuziki yamutwaye agera kuri miliyoni 70

Yanditswe kuya 9-11-2016 saa 09:42' na Munyengabe Murungi Sabin


Iradukunda Zizou wamamaye nka Dj Zizou yatangije inzu nshya izajya itunganya indirimbo mu majwi n’amashusho, yayifunguye ku mugaragaro kuri uyu wa 8 Ugushyingo 2016.

Dj Zizou yamenyekanye cyane kubera guhuza abahanzi bagakora indirimbo zakunzwe zirimo izamamaye cyane nka ‘Arambona agaseka’, ‘Niko Nabaye’, ‘Fata Fata’, ‘Vuba Vuba’ n’izindi.

yatangaje ko iyi nzu nshya yayihaye izina rya Monster Records nka kimwe mu bikorwa bishamikiye kuri ‘Monster’ isanzwe ifite imishinga minini igamije guteza imbere umuziki no gukora ubucuruzi bushingiye ku buhanzi.

Mu kiganiro na IGIHE, Dj Zizou yavuze ko Monster Records yayishinze afatanyije n’abandi bantu gusa agashimangira ko ‘ari iye bwite’. Ati “Studio ni njye wayishinze, ni iyanjye bwite yego harimo abandi dufatanyije ariko navuga ko ari iyanjye.”

“Mfitemo abandi bakozi tuzajya dufatanya haba mu ishami ry’ubucuruzi n’irindi rizajya rikora amashusho y’indirimbo, byose bigize Monster Records, tuzajya dukora ibintu bitandukanye ntabwo ari indirimbo gusa.”

Yongeyeho ati “Monster ni izina rimaze igihe, naritangiranye neza mu mwaka wa 2013 muri Niko Nabaye, nyuma ryaje kuvukamo ibindi bikorwa bifatika birimo n’iyi nzu itunganya umuziki iri ku rwego rukomeye kuko irahenze, irimo ibikoresho bihenze ugereranyije n’izindi twari dusanganywe i Kigali.”

Dj Zizou yashimangiye ko iyi nzu ihagaze amafaranga y’u Rwanda arenga miliyoni 40 ndetse ngo mu gihe kidatinze niyongeramo ibikoresho bizajya byifashishwa mu gutunganya amashusho y’indirimbo izagira agaciro ka miliyoni zisaga 70.

Yagize ati “Iyi studio ubwayo kugeza ubu ihagaze amafaranga y’u Rwanda miliyoni zirenga mirongo ine ubariyemo n’utundi tuntu duke ndetse no kuyubaka. Ntabwo ari ayo gusa, hari n’ibindi bikoresho bisigaye, ibizajya byifashishwa muri video, nibimara kugera i Kigali byose bizaba bigeze nko kuri miliyoni zirenga 70.”

Monster Records iherereye mu Rugando munsi gato y’inyubako ya Kigali Convention Center . Iyi nzu irimo ibikoresho bihenze ndetse bimwe muri byo bisanzwe biri muri studio zikorerwamo n’abahanzi bakomeye muri Afurika.

Akuma kazwi nka Sound Card [gakoreshwa mu kurema ijwi ry’indirimbo ivuye muri mudasobwa] kari muri Monster Records ni nako kifashishwa muri Waasafi Records ya Diamond ndetse hari n’izindi nzu zikomeye muri Afurika zisanzwe zigafite.

Dj Zizou yavuze ko yatangiye kugirana ibiganiro n’aba Producer bakomeye ateganya ko bazakorera muri Monster Records gusa ngo iyi nzu izajya iha ikaze uwiyumvamo ubushobozi wese mu kuzamura ireme ry’umuziki w’u Rwanda.

Dj Zizou ngo ni we washinze iyi nzu

Yagize ati “Studio irimo ibikoresho bisaba ubuhanga, icyo dushaka ni uko idufasha kuzamura umuziki wacu, uzagaragaza ko abishoboye wese tuzamuha ikaze akore. Kugeza ubu hari abo natangiye kuvugana na bo, ibiganiro biracyakomeza ku buryo nibigenda neza muzamenya Producer uzajya akoreramo, gusa uwiyumvamo ubuhanga wese wo mu Rwanda yemerewe kuza agakora.”

Monster Records izatangira ibikorwa byayo mu buryo bweruye kuri uyu wa Gatanu tariki ya 11 Ugushyingo 2016.

Uyu yitwa Janet Knecht ni we Director Manager wa Monster Records
Muri Monster Records harimo ibikoresho bigezweho
Ibi bikoresho ngo byatwaye akayabo
Iyi piano Producer ashobora no kuyikoresha akora mixage y'amajwi
Studio Tekno akoreramo nayo bifashisha sound card nk'iya Monster Records
Iyi ni studio Mr Flavour akoreramo, na bo bifashisha Sound Card nk'iya Monster

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved