00:00:00 IGIHE NETWORK KN KINYARWANDA EN ENGLISH FR FRANCAIS

Dj Bissoso na VJ Mupenzi bagiye gucuranga i Goma

Yanditswe na Nsengiyumva Emmy
Kuya 16 Ugushyingo 2021 saa 11:19
Yasuwe :
0 0

Dj Bissoso na VJ Mupenzi bo mu Rwanda, bagiye gucuranga mu gitaramo cya ‘Silent Disco’ kizabera muri Serena Hotel i Goma ku wa Gatandatu tariki 19 Ugushyingo 2021.

Ni igitaramo VJ Mupenzi yabwiye IGIHE ko batumiwemo mu rwego rwo gususurutsa abakunzi b’umuziki b’i Goma.

Ati “Umuziki w’u Rwanda ukomeje gutera imbere, uko abahanzi bagenda bamenyekana yaba mu Rwanda no hanze yarwo, n’aba Djs bagenda barushaho kugira abakunzi. Rero abantu b’i Goma bifuje ko twabataramira baradutumira.”

Ni igitaramo cyiswe ‘Party Queen’s Silent Disco’ kikazagaragaramo MC Sylivie wamenyekanye cyane ayobora ibitaramo bya Primus Guma Guma Super Star akaba n’umunyamakuru wa ISIBO TV ariko uherutse guhagarika aka kazi.

Nyuma yo gususurutsa abakunzi b’umuziki b’i Goma muri Serena Hotel aho kwinjira bizaba ari 20$, bazakomereza mu Karere ka Rubavu ahazwi nko kwa Nyanja. Aha bazahataramira ku wa 20 Ugushyingo 2021.

Kwinjira mu gitaramo bazakorera i Rubavu bizaba ari ibihumbi 10Frw harimo 5000 Frw umuntu azafatamo icyo ashaka.

Uretse kuvanga imiziki mu birori bitandukanye, yaba DJ Bissoso na VJ Mupenzi bamenyekanye cyane mu bitangazamakuru bikomeye mu Rwanda.

Dj Bissoso azwi cyane mu bijyanye no gucuranga imiziki kuri Televiziyo Rwanda mu gihe VJ Mupenzi azwi cyane mu gucuranga imiziki kuri TV10.

Dj Bissoso uri mu bakunzwe mu Rwanda agiye gutaramira i Goma
VJ Mupenzi agiye gutaramira i Goma
Ibi bitaramo bizahera muri Serena Hotel i Goma
Bazasoreza kwa Nyanja i Rubavu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .