Deejay Lenzo yakoranye indirimbo n’umuhanzi wo muri Amerika Pete Santos

Yanditswe na Nsengiyumva Emmy
Kuya 1 Gashyantare 2021 saa 06:59
Yasuwe :
0 0

Deejay Lenzo, umwe mu bavanga imiziki bamaze kuzamura izina rye mu ruganda rw’imyidagaduro mu Rwanda, yasubiranyemo indirimbo ‘Sekura’ n’Umunyamerika Pete Santos bahuriye ku mbuga nkoranyambaga bakiyemeza gukorana.

‘Sekura’ iri kuri EP [Extended Play], Deejay Lenzo yasohoye umwaka ushize iri kumwe n’izindi zirimo "Zana" yakoranye na Bull Dogg na "Hahiye" yakoranye na Fax Rapper.

Deejay Lenzo avuga ko yatangiye kuvugana na Pete Santos nyuma yo gusohora indirimbo yise "Agapfukamunwa".

Uyu munyamerika wakunze iyi ndirimbo yifashishije imbuga nkoranyambaga ashakisha nyirayo amusaba ko bayisubiranamo.

Bitewe nuko "Agapfukamunwa" yari indirimbo yo gukangurira Abanyarwanda kwirinda ikwirakwira rya COVID-19, Deejay Lenzo yasabye Pete Santos ko basubiranamo iyitwa "Sekura".

Mu kiganiro na IGIHE, Deejay Lenzo yagize ati “Ni we wansabye ko twakorana indirimbo, yumvise iyitwa ’Agapfukamunwa’ arayikunda yifuza ko twayisubiranamo. Naramusobanuriye mubwira ko mfite indi twakorana arabyumva.”

Deejay Lenzo yavuze ko Pete Santos yifuza kuzamura izina rye muri Afurika by’umwihariko iy’Iburasirazuba.

Mu minsi iri imbere uyu muhanzi uvuka muri Amerika ariko usigaye atuye muri Finland arateganya gutemberera mu Rwanda kumenyekanisha ibihangano bye.

Pete Santos ni umuhanzi wo muri Leta Zunze Ubumwe za Amerika ukorera umuziki muri Finland
Deejay Lenzo afatanya kuvanga imiziki no kuwukora nk'umwuga

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .