Kwamamaza

Corneille yanditse agahinda yasigiwe n’umuryango wishwe

Yanditswe kuya 23-09-2016 saa 09:46' na IGIHE


Umuririmbyi ukomeye Cornelius Nyungura [Corneille] yahishuye ko mu gitabo yasohoye yibanze cyane ku ntimba yasigaranye nyuma yo kubona umuryango we wicirwa mu Rwanda mu 1994.

Igitabo Nyungura Corneille yasohoye yari amaze imyaka itanu acyandika. Muri iki gitabo yise “Là où le Soleil disparaît” yibanze ku buzima bwe kuva mu bwana n’uruhurirane rw’ibyo yanyuzemo kugeza abaye icyamamare ku Isi.

Corneille yavukiye i Freiburg mu Budage tariki 24 Werurwe 1977, abyarwa na Emile Nyungura na nyina w’Umunyarwandakazi. Aba bombi bari baragiye kuba muri icyo gihugu kubera amasomo, hanyuma bagarutse gutura mu Rwanda bari kumwe na Corneille ubwo yari afite imyaka 6.

Yavukiye mu Budage ariko akurira mu Rwanda, afite imyaka 17 yahavuye ajya mu buhungiro aza kongera gusubura mu gihugu yavukiyemo. Yahavuye ajya kuba muri Canada ari naho asigaye abarizwa n’umugore we.

Uyu muhanzi watangiye kwigaragaza nk’umunyamuziki mu 1993 ubwo yatwaraga Prix Découvertes mu irushanwa ryari ryateguwe na Televiziyo y’u Rwanda, yasohoye igitabo gikubiyemo byose ku buzima bwe.

Yiminjiye urusenda mu gisebe…

Corneille Nyungura yanditse kuri Facebook ko igitabo cye cyamaze gutunganywa neza ndetse ko cyavuye mu icapiro ubu kigiye kugurishwa mu nzu zicuruza ibitabo henshi ku Isi.

Mu musogongero w’igitabo cye “Là où le Soleil disparaît”, Nyungura agaragaza ko inkuru ikubiyemo yiganjemo agahinda k’indengakamere yagize mu buzima bwe. Yavuze ko mu kwandika inkuru y’ububabare yagize mu buzima bwe ‘ngo byasaga no kwiminjira urusenda mu gisebe kibisi’.

Yagize ati “Mu gutangira iki gitabo nari nzi ko hari impapuro nyinshi zintegereje kuri Jenoside n’ubwicanyi bwakorewe umuryango wanjye mu Rwanda mu 1994. Nari nzi ko kwandika ubu bubabare bw’ahashize ari ugusuka urusenda mu gisebe kibisi…”

Yongeraho ko mu rugendo rwo gusubiza maso inyuma atekereza ku buzima bwe yahuye n’ibikomere byinshi kandi bisharira. Ati “Mu nzira yo gusubiza amaso inyuma nahuye n’ibindi bikomere byinshi […] Iki gitabo cyantwaye hafi imyaka itanu kugira ngo nkirangize.”

Nyungura ukomoka ahahoze hitwa i Butare, afite abavandimwe mu Rwanda barimo nyirasenge utuye mu Murenge wa Huye, babyara be bari mu Karere ka Gisagara.
Nyungura n’umugore we Umunya-Canada Sofia Medeiros, bafitanye abana babiri imfura yitwa Nyungura Merick n’umukobwa baherutse kwibaruka.

Corneille na nyina wapfuye
Corneille n'umuryango we baba muri Canada

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 27 September 2016
Copyright © 2009 -2014 - IGIHE Ltd - All Rights Reserved