00:00:00 IGIHE NETWORK KN KINYARWANDA EN ENGLISH FR FRANCAIS

Clarisse Karasira yimukiye muri Amerika

Yanditswe na Nsengiyumva Emmy
Kuya 12 Ugushyingo 2021 saa 07:25
Yasuwe :
0 0

Clarisse Karasira uzwi mu muziki w’u Rwanda yimukiye muri Leta Zunze Ubumwe za Amerika kuva ku wa Gatanu tariki 7 Ugushyingo 2021, aho ari kubarizwa muri Leta ya Maine.

Mu kiganiro kigufi yagiranye na IGIHE,Karasira yahamije ko yimukiye aho umugabo we asanzwe atuye.

Ati “Ntabwo nagiye gutembera cyangwa gusura, narimutse nagiye gushakishiriza ahandi.”

Abajijwe niba umuziki azawukomereza mu mahanga cyangwa agiye kuba awuhagaritse, Clarisse Karasira yagize ati “Ahubwo ubu nibwo ngiye kuwukora.”

Muri Gicurasi 2021, nibwo Karasira yarushinze na Ifashabayo Sylvain Dejoie mu muhango wabereye kuri Christian Life Assembly [CLA].

Bombi bahuye mu 2017, mu gitaramo cyo kwibuka umuhanzikazi Kamaliza. Ifashabayo wari mu ikipe itegura iki gitaramo yahuye na Karasira ubwo yari agiye kukimutumiramo, ubushuti bwabo butangira ubwo.

Uko ubushuti bwabo bwazamukaga, ni na ko Ifashabayo yagendaga afata izindi nshingano nko gufasha umukunzi we mu by’umuziki n’ibindi.

Uyu mugabo yize muri Ghana no muri Leta Zunze Ubumwe za Amerika; ni umwe mu bateguraga ibitaramo byiswe ’Umurage Nyawo’ byo kwibuka Kamaliza na Minani Rwema.

Clarisse Karasira yimukiye muri Leta ya Maine muri Amerika
Karasira yasanze umugabo we aho asanzwe atuye muri Leta Zunze Ubumwe za Amerika

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .