Cindy yatumiwe mu gitaramo cya Jazz kizabera i Kigali

Yanditswe na Munyengabe Murungi Sabin
Kuya 22 Ukwakira 2016 saa 11:37
45 30

Umuririmbyi ukomeye muri Uganda, Cindy Sanyu agiye kuza gukorera igitaramo gikomeye mu Mujyi wa Kigali ku itariki ya 28 Ukwakira 2016.

Cindy Sanyu yahoze aririmba mu itsinda ryubatse amateka muri Uganda rya Blue 3, yari arihuriyemo na Jackie Chandiru ndetse na Lilian Mbabazi ukomoka mu Rwanda.

Uyu muhanzi akunzwe muri iyi minsi mu ndirimbo “Ndi Mukodo”, afite n’izindi ndirimbo zakunzwe zirimo « Dat Dat », « Sample Dat », «Ndi Mukodo », « Ayokyayokya » n’izindi.

Ategerejwe mu gitaramo cya “Kigali Jazz Junction” azahuriramo n’abandi bakomeye barimo Isaiah Katumwa umuhanzi wo muri Uganda, kizaba kuwa 28 Ukwakira 2016 muri Kigali Serena Hotel.

Cindy yabwiye Izuba Rirashe ko azazana na Isaiah Katumwa uzwiho ubuhanga mu kuririmba acuranga n’umwirongi. Uyu ni we wigishije benshi gucuranga saxophone muri Afurika y’Uburasirazuba barimo Herbert Rock wahoze mu itsinda rya Neptunez Band.

Aba bahanzi bazacuranga bafatanyije n’abaririmbyi bagize itsinda rya Neptunez Band ryo mu Rwanda.

Ubwo Cindy aheruka kuza gukorera igitaramo i Kigali

Cindy waririmbaga mu itsinda rya Blue3 agiye kuza mu Rwanda nyuma y’iminsi mike mugenzi we Lilian Mbabazi ahavuye. Yaherukaga gukorera igitaramo i Kigali kuwa 18 Werurwe 2016, icyo gihe yari yatumiwe na Kid Gaju basanzwe bafitanye indirimbo yitwa ‘Gahunda’.

Cindy ubwo aheruka kuza i Kigali yari yatumiwe na Kid Gaju

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE