Kwamamaza

Cindy agiye gukorera igitaramo muri Serena Hotel i Kigali

Yanditswe kuya 18-11-2016 saa 10:42' na Munyengabe Murungi Sabin


Umuririmbyi ukomeye muri Uganda, Cindy Sanyu agiye kuza gukorera igitaramo gikomeye mu Mujyi wa Kigali ku itariki ya 2 Ukuboza 2016 muri Kigali Serena Hotel.

Cindy Sanyu yahoze aririmba mu itsinda ryubatse amateka muri Uganda rya Blue 3, yari arihuriyemo na Jackie Chandiru ndetse na Lilian Mbabazi ukomoka mu Rwanda.

Uyu muhanzi akunzwe muri iyi minsi mu ndirimbo “Ndi Mukodo”, afite n’izindi ndirimbo zakunzwe zirimo « Dat Dat », « Sample Dat », «Ndi Mukodo », « Ayokyayokya » n’izindi.

Ategerejwe mu gitaramo cya “Kigali Jazz Junction” azahuriramo n’abandi bakomeye barimo MoRoots umukobwa ucuranga umwirongi wo muri Uganda, itsinda ryitwa Injyana Jazz ryo mu Rwanda ndetse n’abacuranzi bagize Neptunez Band.

Remmy Lubega, Umuyobozi wa RG ConsulT yateguye iki gitaramo, yavuze ko Cindy agomba kuzagera mu Rwanda kuwa Gatatu tariki ya 30 Ugushyingo 2016 akitegura ibirori azahuriramo n’abafana be bizabera i Kibagabaga hanyuma kuwa 2 Ukuboza 2016 akaririmbira muri Serena Hotel.

Yagize ati “Nibyo Cindy agiye kuza, azagera inaha kuwa Gatatu mu cyumweru gitaha, azabanza ahure n’abafana mu birori bizaba kuwa Kane nimugoroba i Kibagabaga hanyuma kuwa Gatanu tariki ya 2 Ukuboza aririmbire muri Serena.”

Remmy Lubega yavuze ko Cindy agiye kuza kuririmbira muri Jazz Junction nyuma y’uko byasabwa na benshi mu bakunda kwitabira ibitaramo bya Jazz bisanzwe bitegurwa buri kwezi i Kigali.

Ati “Ni abafana babisabye, abafana babidusabye kenshi bifuza ko Cindy yaza akabaririmbira, abafana bagomba kuzamubona bakemenya n’ukuri nyako ku bitaramo dutegura, hari n’abatarumva neza injyana ya Jazz […] Ntabwo aririmba mu njyana ya Jazz, ni nk’uko twazanye Mani Martin, Lilian Mbabazi n’abandi bahanzi twagiye dutumira abafana bakaza ari benshi.”

Cindy waririmbaga mu itsinda rya Blue3 agiye kuza mu Rwanda nyuma y’iminsi mike Isaiah Katumwa wo muri Uganda ahacurangiye. Uyu na we yaje akurikiye Lilian Mbabazi wakoze igitaramo cyishimiwe bikomeye.

Cindy yaherukaga gukorera igitaramo i Kigali kuwa 18 Werurwe 2016, icyo gihe yari yatumiwe na Kid Gaju basanzwe bafitanye indirimbo yitwa ‘Gahunda’.

Amatike y’igitaramo yatangiye gucuruzwa kuri internet ku rubuga rwa Jumia, itike imwe ni amafaranga 10,000frw bakazaguha n’icyo kunywa kimwe, 20,000frw ukazahabwa n’ibinyobwa bibiri ku meza. Hari n’amatike agura 160,000frw ku bantu umunani bazafata imeza imwe bagahabwa n’ibyo kunywa.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 3 Ukuboza 2016
Copyright © 2009 -2014 - IGIHE Ltd - All Rights Reserved