Christopher yahigiye kwegukana miliyoni 35 za Bralirwa (Video)

Yanditswe na Munyengabe Murungi Sabin
Kuya 5 Kamena 2018 saa 08:52
Yasuwe :
3 0

Muneza Christophe [Christopher] yahigiye kuzegukana irushanwa rya Primus Guma Guma Super Star ya 8, arashaka gukora amateka akazahabwa ibihembo byose byagenwe uyu mwaka.

Christopher umaze iminsi akunzwe mu ndirimbo ‘Simusiga’, ari mu bahanzi icumi batorewe guhatanira irushanwa rya Primus Guma Guma muri uyu mwaka wa 2018. Nubwo bikomeye guhiga bagenzi be, yifitiye icyizere ko azasoza ari uwa mbere.

Uyu muhanzi ahatanye na bagenzi be Bruce Melody, Mico The Best, Khalfan, Jay C, Queen Cha, Young Grace, Just Family, Active na Uncle Austin.

Yavuze ko akurikije igihe amaze ahatanira Primus Guma Guma n’uburyo yagiye yitwara afite icyizere ko azatsinda uyu mwaka. Ati “Nta myaka myinshi ishize ngiye muri Primus Guma Guma bwa mbere, ari njye muto mu bintu byose ariko ubu byarantunguye nsanga ndi umusaza bihita bimpa n’inshingano zo kuyitwara.”

Yongeyeho ati “Kugira ngo nyitware, ni nako bimeze, bisaba kubikorera kurusha uko nigeze mbikorera […] Ndabona tugenda tugera ku mwanya wa mbere, Imana izadufashe ku musozo duterure igikombe, nako ibikombe bibiri byose.”

Mu gitaramo giherutse kubera mu Mujyi wa Musanze, Christopher yavuyeyo yarushije bagenzi be harebwe uburyo abafana bamwishimiye ndetse bakamufasha kuririmba indirimbo ze zose. Ugereranyije n’abo yari ahanganye na bo, amanota akanama nkemurampaka gatanga hashingiwe ku gushyigikirwa k’umuhanzi, Christopher yaba yaratahanye aya mbere.

Ubwe yemera ko yitwaye neza ndetse akavuga ko biramutse bikomeje no mu bindi bice by’igihugu irushanwa risigaje kujyamo yazarangiza ari uwa mbere. Ati “Ntabwo nabonye uko bagenzi banjye bitwaye ariko abandi bambwiye ko byari byiza, Imana izadufashe na Huye bizabe ariko bigenda.”

Christopher yahigiye kwegukana miliyoni 35 za Bralirwa

Ubu, amatora biciye kuri telephone arakomeje ndetse buri muhanzi mu icumi bahataniye iri rushanwa ari gukora uko ashoboye ngo yibutse abafana kunywa Primus kugira ngo abone code yo gutoresha. Gutora bikorwa n’abanyweye Primus z’ubwoko bwose gusa; upfundura icupa ubundi ukabona ‘code’ mu mufuniko hanyuma ukayohereza kuri 7333 wongeyeho nomero y’umuhanzi.

Umuhanzi uzaba uwa mbere akemezwa n’akanama nkemurampaka, naramuka yitwaye neza akanahiga abandi mu gutorwa cyane biciye kuri telefone bizahita bimuhesha amahirwe yo kwegukana miliyoni 35[miliyoni 20 zizahabwa uwarushije abandi mu kwitwara neza kongeraho miliyoni 15 zizahabwa uwabaye uwa mbere mu gutorwa cyane].

Christopher yishimiye uko yakiriwe mu gitaramo cyabereye i Musanze

Uko Christopher yitwaye mu gitaramo cyabereye i Musanze

Camera&Editing: Kazungu Armand


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza