Christopher yagiye i Bruxelles nyuma yo gukorana indirimbo na Meddy (Amafoto)

Yanditswe na Munyengabe Murungi Sabin
Kuya 3 Ugushyingo 2016 saa 08:43
Yasuwe :
0 0

Umuririmbyi Christophe Muneza [Christopher] yerekeje ku Mugabane w’u Burayi aho atumiwe mu gitaramo gikomeye azahuriramo n’abahanzi bo muri Afurika kuwa 5 Ugushyingo 2016.

Igitaramo Christopher agiye kwitabira mu Bubiligi ni icy’iserukiramuco ry’umuziki rya PANAF rigiye kuba ku nshuro ya kabiri kuko ubwa mbere ryabaye mu mwaka wa 2015. Kizabera mu Mujyi wa Bruxelles mu nzu y’imyidagaduro ya Salle Prise Culture.

Christopher yahagurutse i Kigali ahagana saa yine z’ijoro kuri uyu wa 2 Ugushyingo 2016. Yabwiye IGIHE ko yahawe ubutumire n’itsinda ry’abategura iri serukiramuco bo muri Ghana, yiteguye kuzava mu Bubiligi abyaje umusaruro amahirwe yahawe.

Ati “Ni abantu bo muri Ghana bantumiye, bariya bategura ririya serukiramuco ni abo muri icyo gihugu, nzagerayo mbere y’icyumweru, nifuza kuzakora igitaramo cyiza nkaririmba narabanje kubyitegura neza.”

Uyu muhanzi wahoze muri Kina Music akivanamo mu minsi mike ishize ku mpamvu ze bwite atarasobanura neza, yerekeje mu Bubiligi kuhakorera igitaramo nyuma y’iminsi mike akoranye indirimbo na Meddy uba muri Amerika.

Christopher kandi ateganya kuzava mu Bubiligi ahafatiye amashusho ya zimwe mu ndirimbo nshya amaze iminsi akora. Ngo nava hanze nibwo azatangaza birambuye ibijyanye n’imikorere ye mishya mu muziki n’abazabimufashamo.

Christopher na Meddy baritegura gusohora indirimbo bakoranye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza