Kwamamaza

Christopher azava i Burayi ahafatiye amashusho y’indirimbo ze

Yanditswe kuya 8-09-2016 saa 15:08' na Munyengabe Murungi Sabin


Umuririmbyi Christophe Muneza [Christopher] yiteguye kwerekeza ku Mugabane w’u Burayi aho atumiwe mu gitaramo gikomeye azahuriramo n’abahanzi bo muri Afurika kuwa 5 Ugushyingo 2016.

Igitaramo Christopher agiye kwitabira mu Bubiligi ni icy’iserukiramuco ry’umuziki rya PANAF rigiye kuba ku nshuro ya kabiri kuko ubwa mbere ryabaye mu mwaka wa 2015. Kizabera mu Mujyi wa Bruxelles mu nzu y’imyidagaduro ya Salle Prise Culture.

Christopher yabwiye IGIHE ko yahawe ubutumire n’itsinda ry’abategura iri serukiramuco bo muri Ghana, yiteguye kuzava mu Bubiligi abyaje umusaruro amahirwe yahawe.

Ati “Ni abantu bo muri Ghana bantumiye, bariya bategura ririya serukiramuco ni abo muri icyo gihugu, nzagerayo mbere y’icyumweru, nifuza kuzakora igitaramo cyiza nkaririmba narabanje kubyitegura neza.”

Mu bandi bahanzi Christopher azahurira na bo muri iki gitaramo barimo Azaya wo muri Guinea, Banlieuz’Art nabo bo Guinea Conakry, Cnikree wo muri Nigeria, Thierno Mamadou, Bagada Wonson, Majesty wo muri Conakry) n’umuraperi witwa Yoriken.

Yavuze ko mu by’ibanze ateganya kuzakorera mu Bubiligi mu gihe azahamara harimo kuzafatirayo amashusho ya zimwe mu ndirimbo nshya amaze iminsi akora muri studio. Ati “Ibindi navuga nzavayo nkoze ni amashusho y’indirimbo zanjye, hari indirimbo nshya nshaka gusohora, nibigenda neza nzahafatira amashusho.”

Christopher agiye kujya gucurangira i Burayi

Uyu muhanzi avuga ko nava mu Bubiligi azahita atangaza uburyo bushya agiye kujya akora umuziki we n’abazajya bamufasha nyuma y’uko aherutse gusezera muri Kina Music.

Ati “Umwaka utaha mfite gahunda yo gushakisha inzira nzakoresha nkageza umuziki wanjye muri Afurika y’Uburasirazuba bakamenya nk’umuhanzi, hari uburyo nateguye bwo kuzabikora, ningaruka nzatangaza neza ibyo byose n’uko nzajya mbikora.”


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved