Miss Rwanda n’ibisonga bye banyuzwe n’impano z’abanyeshuri bo mu ishuri rya muzika rya Nyundo

00:00:00 IGIHE NETWORK

KINYARWANDA

ENGLISH

FRANCAIS IGIHE TV

Izigezweho

U Rwanda - Biciwe mu nsengero: Isomo amadini n’amatorero yigiye kuri Jenoside yakorewe Abatutsi
U Rwanda - Uburyo Agathe Uwilingiyimana wari Minisitiri w’Intebe yishwe urw’agashinyaguro n’ingabo za FAR
U Rwanda - Ubuhamya bw’abasore bashimuswe n’abasahuzi ba Rusesabagina
U Rwanda - Perezida Kagame yashyikirijwe raporo ku ruhare rw’u Bufaransa muri Jenoside (YAVUGURUWE)
U Rwanda - Ntabwo twakoze ibihagije - Alain Juppé avuga ku ruhare rw’u Bufaransa mu guhagarika Jenoside
U Rwanda - Ibintu bishobora gufata indi ntera - Ikiganiro na Dr Kimonyo kuri Raporo ya Komisiyo Duclert (video)

Miss Rwanda n’ibisonga bye banyuzwe n’impano z’abanyeshuri bo mu ishuri rya muzika rya Nyundo

Yanditswe na Nsengiyumva Emmy

Kuya 3 Mata 2021 saa 12:45

Yasuwe :

Yavuzweho:

0 0

Nyampinga w’u Rwanda n’ibisonga bye banyuzwe n’impano z’abanyeshuri biga mu ishuri rya muzika rya Nyundo ubwo aba bakobwa bari bitabiriye umuhango wo gusoza amasomo y’igihembwe cya kabiri cy’umwaka w’amasomo wabaye ku wa Gatanu tariki 2 Mata 2021.

Nyuma yo gutemberezwa ikigo cyose, ba Nyampinga bitabiriye bataramiwe n’abashyeshuri biga umuziki.

Aba banyeshuri bibumbiye mu matsinda atandukanye, baje kwiyongeraho Danny Nanone uri mu mwaka wa nyuma w’amasomo ye.

Nyuma yo kugaragaza impano zabo no gutaramira abashyitsi, Igisonga cya mbere muri Miss Rwanda Akaliza Amanda yagaragaje ko nawe atari agafu k’imvugwarimwe mu muziki.

Mu ndirimbo imwe yaririmbye, uyu mukobwa yumvikanishije ubuhanga bwe mu kuririmba ndetse abanyeshuri bamwereka ko batunguwe bikomeye no kubona umukobwa ufite impano nk’iye utari yinjira mu muziki.

Usibye aba bakobwa bafite amakamba bari bitabiriye uyu muhango, hari n’abandi bahanzi bafite amazina akomeye nka Nel Ngabo, Yverry wize kuri iri shuri ndetse na Igor Mabano usanzwe ari umwarimu mu ishuri rya muzika rya Nyundo. Aba nabo bahawe umwanya basusurutsa abanyeshuri.

Umuyobozi w’iri shuri, Muligande Jacques benshi bazi nka Might Popo, yavuze ko bateguye iki gikorwa mu gushaka kugaragaza urwego abanyeshuri biga umuziki bagezeho.

Nyampinga w’u Rwanda mu 2021 Ingabire Grace n’igisonga cye cya mbere Akaliza Amanda, babwiye IGIHE ko batunguwe n’impano z’aba banyeshuri.

Ingabire ati “Ni iby’agaciro kuba twari muri iki kigo, twabonye ko u Rwanda rufite impano igisigaye ni uko barangiza kwiga bakaza ku isoko ry’umuziki.”

Ibi abihurizaho na Akaliza wavuze ko yishimiye bikomeye kubona ubuhanga n’ubumenyi abanyeshuri biga umuziki ku Nyundo bafite.

Iri shuri ryigamo kandi Danny Nanone, Derek benshi bazi mu itsinda rya Active n’abandi, rimaze imyaka irindwi ritangiye.

Ryatangiriye ku Nyundo mu Karere ka Rubavu ariko ubu riherereye i Muhanga ahahoze ishuri nderabarezi rya Kavumu.

Ryigisha amasomo atandukanye arimo Piano, kuvuza ingoma, gucuranga ubwoko butandukanye bwa Guitar, kuririmba [Vocals], uko umuhanzi yitwara ku rubyiniro, gushyira amanota mu muziki, gakondo, kuririmbira muri korali, kwandika indirimbo, Igifaransa, Icyongereza no gutunganya ibihangano.