Bwa mbere Christopher yemeye ko afite umukunzi

Yanditswe na Nsengiyumva Emmy
Kuya 1 Gashyantare 2021 saa 10:27
Yasuwe :
0 0

Umuhanzi Muneza Christopher, ku nshuro ya mbere yemeye ko afite umukunzi bamaze igihe kinini baziranye ariko ko amezi atandatu ariyo bamaranye mu munyenga w’urukundo.

Ubwo yizihizaga isabukuru y’amavuko tariki 30 Mutarama 2021, Christopher yateguriwe umutsima n’umukunzi we, wari wanditseho amagambo y’urukundo agira ati “Isabukuru nziza rukundo”.

Nyuma yo gushyira ku mbuga nkoranyambaga amafoto bakatana uyu mutsima, Christopher yemereye IGIHE ko afite umukunzi ndetse ari nawe bawukatanye.

Uyu muhanzi yagize ati “Ni umukunzi wanjye, urabizi sinkunda gushyira hanze amakuru y’urukundo rwanjye. Nta byinshi ndi bumuvugeho ariko icyo nababwira ni uko mfite umukunzi.”

Christopher yavuze ko uyu mukobwa wamwigaruriye bamaze igihe kinini baziranye ariko bakaba bariyemeje gukundana mu minsi mike ishize, ati “Tumaze imyaka myinshi tuziranye, gukundana byo tumaze amezi atandatu.”

Inkuru y’uko uyu muhanzi asigaye afite umukunzi, ije mu gihe uyu muhanzi amaze igihe gito apfushije umubyeyi we witabye Imana tariki 21 Mutarama 2021.

Umukunzi wa Christopher yaramutunguye amwifuriza isabukuru y'amavuko mu buryo budasanzwe
Christopher n'umukunzi we bakatanye umutsima
Nubwo amaze iminsi agize ibyago, Christopher yongeye kumwenyura kubera umukunzi we

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .