Bwa kane, mu Rwanda hagiye kubera iserukiramuco rya sinema “Urusaro International Women Film Festival”

Yanditswe na Nsengiyumva Emmy
Kuya 19 Nzeri 2019 saa 02:40
Yasuwe :
0 0

Ku nshuro ya kane i Kigali hagiye kubera iserukiramuco rya filime ryiswe ’Urusaro International Women Film Festival’ rigamije guhesha agaciro abagore bakora umwuga wo gutunganya sinema mu Rwanda ndetse no guha abazikurikira urubuga rwo kubamenya byimbitse.

Iserukiramuco ritegurwa na Cine-Femme Rwanda rigiye kuba ku nshuro ya kane aho rizamara icyumweru cyose hakorwa ibikorwa bitandukanye.

Nk’uko Floriane Kaneza uhagarariye abategura iri serukiramuco yabitangarije IGIHE ngo ritegurwa ku mpamvu zirimo guteza imbere filime n’uruganda rwa sinema muri rusange no guteza imbere ubunyamwuga mu ikorwa rya filime ndetse no kugerageza kugaragaza uruhare rw’abagore muri uyu mwuga.

Iri serukiramuco rizabera mu Rwanda byitezwe ko rizatangira tariki 4 Ukwakira 2019 rirangire tariki 11 Ukwakira 2019.

“Urusaro International Women Film Festival ” ryatangiye mu mwaka wa 2015 mu gihe muri 2017 ryabaga ku nshuro ya kabiri. Umwaka ushize wa 2018 nibwo iri serukiramuco ryabaga bwa gatatu, ubu rikaba rigiye kuba ari ubwa kane.

Usibye amahugurwa, ibiganiro mpaka, kwerekana zimwe muri filime zakozwe nabagore cyangwa zigaragaza imbaraga z’abagore muri sosiyete, biteganyijwe ko hari n’izizahembwa zanamaze gushyirwa mu byiciro ari byo; Rwanda Short Fiction, East African Short Fiction, African Short Fiction na African Documentary.

Iri serukiramuco rigiye kuba bwa kane

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza