Kwamamaza

Butera Knowless na Sherrie Silver bahataniye ibihembo bikomeye mu Bwongereza

Yanditswe kuya 9-09-2016 saa 09:38' na Munyengabe Murungi Sabin


Abahanzi bo mu Rwanda, Butera Knowless na Sherrie Silver bari ku rutonde rw’abahatanira ibihembo bikomeye bya BEFFTA UK bisanzwe bihatanirwa n’abamaze kubaka izina mu buryo bukomeye muri Afurika.

U Rwanda ruhagarariwe n’abagore babiri, Butera Knowless mu cyiciro cy’umuhanzi wahize abandi mu bagore muri Afurika mu gihe Sherri Silver [umubyinnyi wabigize umwuga] ahatanye mu byiciro bibiri icya Best Dance Act na Best Dance Choreographer ku rwego rwa Afurika.

Aba bombi kandi baherutse gutoranya mu bahatanira ibihembo bya Afrimma Awards 2016, ibi bihuza abahanzi bakomeye mu byiciro binyuranye muri Afurika, bizatangwa kuwa 5 Ukwakira 2016 i Dallas, Texas muri Leta Zunze Ubumwe za Amerika.

Knowless Butera ari mu cyiciro gikomeye cya Best International Female African Act. Ari kumwe n’abagore bakomeye mu muziki barimo Efya, Vannessa Mdee, Akothee, Yemi Alade, Kassila Kay, Tiwa Savage, Lira, Zahara, Kan2, Victoria Kimani, Seyi Shay, Kissilâ Kay na Angela Kalule.

Sherrie Silver, Umunyarwandakazi wubatse izina mu kubyinira abahanzi b’ibyamamare ku Isi ari mu byiciro bibiri. Muri Best Dance Act ari kumwe na Ghetto Kids, MLM Dancers, Suela Wilsterman, Ras King Bobo, DC Dance, GOP, Kofi Mingo, Elleviate, Kara Jenelle, Dankira, Izzy Odigie, Fernando Montano, I am Movement, Unity Gang, Ghetto Kids, D3 DANCERS, DANKIRA, Unique silver dancers, MotherLand Dancers, Project G , CEO Dancers. FDC Ladies, High Rollaz na ICSN dance troupe.

Naho mu cyiciro cya Best Dance Choreographer ahatanye na Antoine Marc, Ghana Boyz, Jeya Raveendran, Omar F Okai, Tomi Idowu, Dance Choreography,Sir Loui, Linton Clarke, Ezinne Asinugo Brenda Dery, Petit Bagaza, Ezinne Asinugo, Suela Wilsterman, Kara Jenelle, Izzy Odigie, Teddy Dankira, Kemi Durosinmi ndetse na Sharma Jay.

Anne Kansiime wo muri Uganda ahatanye mu cyiciro gikomeye cya ‘Best Female Comedian’, ari kumwe n’Umunya-Nigeria w’umuhanga mu gusetsa witwa Emmanuella na Melanie Gayle[watwaye iki gihembo mu mwaka ushize].

Sherri Silver usanzwe uba mu Bwongereza ari mu byiciro bibiri

Ibihembo bya BEFFTA UK bigiye gutangwa ku nshuro ya munani, byashinzwe na Dr Pauline Long mu mwaka wa 2009. Ibihembo bitangwa ku bantu b’abirabura babaye indashyikirwa mu myidagaduro, filime, imideli, ibiganiro bya Televiziyo, ubugeni na siporo.

Ibirori bizatangirwamo ibihembo bya BEFFTA Awards bizabera mu Bwongereza kuwa 27 na 28 Ukwakira 2016, bizaba biyobowe na Dr Winston George Ellis[umukinnyi wa filime ukomeye i Hollywood] na Dr Pauline Long[washinze Beffta].

Knowless Butera ari mu cyiciro gikomeye cya Best International Female African Act

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 27 September 2016
Copyright © 2009 -2014 - IGIHE Ltd - All Rights Reserved