Butera Knowless azasusurutsa abazitabira inama nyafurika y’ubukungu mu Misiri

Yanditswe na Nsengiyumva Emmy
Kuya 2 Ukuboza 2019 saa 08:05
Yasuwe :
0 0

Umuhanzikazi Butera Knowless yitabiriye inama ikomeye yateguwe na Banki Nyafurika Itsura Amajyambere (AfDB), igiye kubera mu Misiri mu Mujyi wa Sharm El-Sheikh.

Iyi nama izaba ku wa 2 Ukuboza 2019, igamije kwiga ku iterambere ry’urubyiruko rwa Afurika n’uko rwabona akazi mu buryo bwihuse rugakomeza kwiteza imbere.

Knowless niwe muhanzi watumiwe kuzaririmbamo ihumuje, akishimana n’abashyitsi batandukanye bayigiyemo.

Yajyanye na Ishimwe Clement ndetse n’umusore witwa Cedric usanzwe amufatira amashusho mu bikorwa bye bitandukanye bijyanye na muzika aba yagiyemo.

Knowless yabwiye IGIHE ko yashimishijwe no kuba yaratumiwe kuririmba muri iyi nama kuko bimwereka ko umuziki akora hari abantu benshi unyura kandi akaba ariyo ntego n’ubundi mu bikorwa bye aba afite.

Knowless ari mu bahanzi bo mu Rwanda bakunze gutumirwa mu mahanga atandukanye abantu bashaka ko abataramira bakanezererwa umuziki we.

Usibye Knowless, mu banyarwanda bazasusurutsa abitabiriye iyi nama harimo kandi na DJ Bissoso nawe wamaze kugera mu Misiri.

Muri Gashyantare 2019, muri Repubulika Iharanira Demokarasi ya Congo habereye iserukiramuco rimaze kubaka amateka ryitwa Amani Festival Knowless aba umwe mu bahanzi baryitabiriye bo mu Rwanda.

Icyo gihe uretse Butera Knowless; Buravan na Gaël Faye nabo bari mu bahanzi bakomoka mu Rwanda bitabiriye iri serukiramuco. Knowless uri mu bishimiwe muri iri serukiramuco yaje akubita agatoki ku kandi avuga ko agiye gukaza inganzo yiganjemo ibihangano birimo indimi z’amahanga.

Knowless aherutse gushyira hanze indirimbo yise ‘Blessed’

Butera Knowless yageze mu Misiri
Butera Knowless afata ifoto munsi y'idarapo rya Misiri
Dj Bissoso muri Hotel bahawe kubamo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza