Buravan, Bruce Melody, Charly&Nina…bataramiye urubyiruko rwahuye na Perezida Kagame (Amafoto)

Yanditswe na IGIHE
Kuya 20 Kanama 2018 saa 11:07
Yasuwe :
0 0

Abahanzi bakunzwe mu Rwanda, Bruce Melody, itsinda rya Charly&Nina, Yvan Buravan n’abandi batandukanye bahuriye mu gitaramo cyo gusangira no guhuza ibitekerezo nyuma y’ikiganiro bagiranye na Perezida Kagame.

Urubyiruko rugera ku 2500 kuri iki Cyumweru tariki ya 19 Kanama 2018, rwahuriye mu nyubako Intare Conference Arena i Rusororo mu Karere ka Gasabo aho rwaganiriye na Perezida Paul Kagame.

Mu mpanuro ze zikomeye, Perezida Kagame yabwiye urubyiruko ko rudakwiye kureberera inshuti n’abavandimwe bishora mu biyobyabwenge kuko byica ahazaza habo ah’imiryango n’igihugu cyabibarutse.

Umukuru w’Igihugu yibukije urubyiruko ko rukwiye gukoresha ubwenge bwarwo kuko mu gukora ibyubaka igihugu. Ibi yabivugiye mu kiganiro yagiranye n’urubyiruko binyuze muri gahunda yiswe ‘Meet the President’.

Muri iki kiganiro cyahuje urubyiruko na Perezida Kagame, hagaragayemo abahanzi batandukanye basanzwe bakomeye mu gihugu harimo Ama G The Black, Bruce Melody, Christopher, Oda Paccy, Phiona, Active, Peace, Social Mula, Buravan, Charly na Nina n’abandi.

Buravan yashimishije benshi muri iki gitaramo

Ikiganiro gihumuje, abahanzi batoranyijwe bataramiye uru rubyiruko mu gikorwa cyasoje umunsi mu gusangira, guhuza ibitekerezo ari nako bidagadura. Abahanzi bose bishimiwe buri wese ku rwego rwe, by’akarusho Bruce Melody na Buravan beretswe urukundo mu buryo bukomeye bitewe n’indirimbo zabo zigezweho mu rubyiruko muri iki gihe.

Yvan Buravan yaririmbye mu buryo bwa live
Charly na Nina bari bamaze iminsi mu Burayi bishimiwe muri iki gitaramo
Umunyamakuru David Bayingana wayoboye iki gitaramo
Bruce Melody ukunzwe muri iki gihe mu ndirimbo yitwa 'Nta kibazo'
Uyu muhanzi yanyuze benshi mu rubyiruko rwitabiriye iki gitaramo
Jay C yatunguye Bruce Melody amusanga ku rubyiniro bafatanya kuririmba iyitwa 'Am Back'

Amafoto: Niyonzima Moise


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza