Ben Affleck yatandukanye n’umukunzi we

Yanditswe na Uwiduhaye Theos
Kuya 19 Mutarama 2021 saa 01:53
Yasuwe :
0 0

Umukinnyi w’icyamamare muri Sinema i Hollywood, Benjamin Géza Affleck-Boldt [Ben Affleck] yatandukanye n’umukunzi bari bagiye kumarana umwaka.

Ben Affleck yatandukanye na Ana Celia de Armas Caso[Ana de Armas] ukomoka muri Cuba umaze igihe yamamaye mu ruganda rwa sinema i Hollywood muri Cuba ndetse no muri Espagne.

Ben Affleck w’imyaka 48 na Ana de Armas ufite imyaka 32, bahisemo gutandukana ku bw’impamvu zabo bwite. Ana de Armas ntabwo yashakaga gukomeza kuba Los Angeles mu gihe Ben n’abana be ariho baba.

Gutandukana kw’aba bombi ngo ni ibintu babanje kumvikanaho ndetse bazakomeza kuba inshuti zisanzwe.

Aba bombi byatangiye kuvugwa ko bakundana muri Werurwe 2020, nyuma yo guhurira muri New Orleans ahafatirwaga amashusho ya filime nshya bahuriyemo yitwa ‘Deep Water’. Ana de Armas niwe wabanje kugaragaza ko afitanye umubano udasanzwe na Ben Affleck ubwo yasangizaga abantu amafoto y’isabukuru ye y’imyaka 32, bari kumwe. Nyuma bagiye bagaragara basohokanye.

Ben Affleck ni umukinnyi, umwanditsi , umuhanga mu kuyobora filime, akaba n’impirimbanyi y’amahoro.

Yavutse tariki 15 Kanama 1972 i California mu Leta Zunze Ubumwe za Amerika maze, mu mwaka wa 2005 yashakanye na Jennifer Garner babyarana abana batatu.

Muri Nyakanga 2015, Ben Affleck na Jennifer Garner bafashe umwanzuro wo gutandukana burundu, buri wese aca inzira ze.

Ana Celia de Armas Caso yavukiye muri Havana, Cuba, akurira mu Mujyi muto wa Santa Cruz del Norte. Yatangiye kwamamara mu 2006, nyuma mu 2008 aza kuba ikimenyabose biturutse kuri filime yakinnyemo yitwa El Internado, yakinnyemo yitwa Carolina. Mu 2015 yakomereje urugendo rwe muri Amerika i Hollywood aho yakomereje urugendo muri sinema akanahirwa.

Mu 2011 yashakanye na Marc Clotet batandukana mu 2013. Yambitswe impeta y’urukundo na Franklin Latt mu 2015 batandukana mu 2016.

Ana De Armas yatandukanye na Ben Affleck hashize umwaka bakundana
Ana de Armas na Ben Affleck bari bagiye kumara umwaka bakundana
Ben Affleck na Ana de Armas bakiri mu bihe byabo byiza
Aba bombi buri umwe yahisemo guca inzira ye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .