00:00:00 IGIHE NETWORK KN KINYARWANDA EN ENGLISH FR FRANCAIS

Bahati Grace yambitswe impeta n’umusore bitegura kurushinga mbere y’iminsi mike ngo ubukwe butahe

Yanditswe na Nsengiyumva Emmy
Kuya 28 Kanama 2021 saa 08:23
Yasuwe :
0 0

Miss Bahati Grace wambitswe ikamba rya Miss Rwanda mu 2009, yambitswe impeta n’umukunzi we Pacifique Murekezi bitegura kurushinga mu minsi mike iri imbere.

Kuri uyu wa Gatandatu tariki 28 Kanama 2021 yaba Bahati Grace cyangwa Murekezi Pacifique basangije ababakurikira, amafoto nyuma y’uko uyu mukobwa yambitswe impeta.

Ni amafoto yakiranywe ibyishimo n’inshuti zabo zizi ko aba bamaze igihe bakundana bagiye kurushinga mu minsi iri imbere.

Miss Bahati Grace yambitswe iyi mpeta na Murekezi biyemeje kurushinga nyuma y’iminsi mike akorewe ibirori byo gusezera ubukumi.

Byitezwe ko ubukwe bwa Miss Bahati Grace buzaba tariki 4 Nzeri 2021 bukazabera mu mujyi wa Cedar Rapids ho muri Leta ya Iowa imwe mu zigize Leta Zunze Ubumwe za Amerika.

Ubu bukwe buzabera ahitwa ‘Double tree by Hilton’ aha niho Miss Bahati na Murekezi bateretaniye bwa mbere none ni na ho bagiye gukorera ubukwe.

Benshi mu bakobwa begukanye ikamba rya Miss Rwanda batumiwe muri ubu bukwe, byitezwe ko hatagize igihinduka bazitabira ibi birori.

The Ben na Meddy nk’abahanzi babanye cyane na Miss Bahati mu minsi ya mbere bakigera muri Amerika, ni bo bazasusurutsa abazitabira ubu bukwe byitezwe ko buzatahwa na benshi mu bafite amazina mu myidagaduro y’u Rwanda batuye muri Amerika.

Ibitaramenyekanye kuri gahunda z’ubukwe bwa Miss Bahati Grace

Miss Bahati Grace nyuma yo kwambikwa impeta n'umukunzi we Murekezi
Miss Bahati Grace agiye kurushinga na Murekezi bamaze imyaka itatu bakundana
Miss Bahati Grace yari aherutse gusezerwaho n'urungano rumwifuriza kuzahirwa mu rugo rwe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .