Anangwe yatunguranye yambika impeta umukunzi we mu birori byo guhemba abanyamakuru (Amafoto)

Yanditswe na Munyengabe Murungi Sabin
Kuya 8 Ugushyingo 2017 saa 10:16
Yasuwe :
0 0

Umunyamakuru Kenneth Eugene Anangwe yakoze agashya atungura umukunzi we amwambika impeta mu birori byo guhemba abanyamakuru bitwaye neza mu ngeri zinyuranye mu mwaka wa 2017.

Ibirori byo gutanga ibihembo bya Development Journalism Awards byabereye muri Serena Hotel ku mugoroba wo kuri uyu wa Kabiri tariki ya 7 Ugushyingo 2017, ni umuhango wari wahagurukije imbaga y’abanyamakuru n’abayobozi b’igihugu mu nzego zitandukanye bizihiza Umunsi Nyafurika w’Itangazamakuru.

Eugene Anangwe uzwi cyane mu kiganiro InFocus gica kuri Televiziyo y’u Rwanda yageze kuri stage mu buryo bwatunguye abatari bake maze afata ijambo ryiganjemo gusingiza no gushimagiza umukunzi we Chamy.

Mbere yo kwambika impeta umukunzi we, Anangwe yafashe ijambo aterura agira ati “Nshimishijwe n’uko negukanye umutima w’uyu mukobwa mwiza, mfite ikibazo kuri we kandi nabisabye kenshi. Uramutse wemeye kubana nanjye nicyo kintu gishimishije kurusha ibindi mu buzima bwanjye. Ndashaka ko imbere y’izi camera zose n’aba bantu bose, ese wakwemera kumbera umugore?”

Umukunzi wa Anangwe ntiyajijinganyije yahise asubiza ngo “Yego!” Undi yahise aca bugufi ashinga ivi hasi maze amwambika impeta y’urukundo maze barahoberana baranasomana, byose biherekezwa n’amashyi y’urufaya.

Nyuma yo kwambikwa impeta umukunzi we Anangwe yabwiye IGIHE ko yabiteguye mu ibanga afatanyije n’itsinda rya bamwe mu bari bayoboye ibi birori byateguwe n’Urwego rw’Igihugu rw’Imiyoborere.

Ibyo Anangwe yakoze byatunguye benshi, by’umwihariko uburyo we n’umukunzi we bageze imbere y’imbaga yari iteraniye muri Serena Hotel bagafata ijambo kandi uyu musore atari mu bahawe ibihembo nabyo byari nk’iyobera. Amaze kwambika impeta Chamy abantu bagaragaje ko bishimiye intambwe bateye ndetse kuri Twitter benshi banditse babifuriza ishya n’ihirwe.

Anangwe yatunguranye muri ibi birori yambika impeta umukunzi we

Kuwa 3 Ugushyingo 2017, Eugene Anangwe na Chamy bakoze ibirori bikomeye byo guteguza inshuti zabo ko bidatinze bazarushinga ndetse ngo imyiteguro y’ubukwe igeze kure ku mpande zombi.

Anangwe yishimiye ko Chamy yemeye kuzamubera umugore
Anangwe na Chamy basomanye nyuma yo kwambikana impeta
Anangwe n'umukunzi we nyuma yo kumwambika impeta
Dream Boyz baririmbye muri ibi birori

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza