00:00:00 IGIHE NETWORK KN KINYARWANDA EN ENGLISH FR FRANCAIS

Amb Mukantabana yasezeranyije Ingabire Grace wagiye muri Miss World kumuba hafi

Yanditswe na Uwiduhaye Theos
Kuya 21 Ugushyingo 2021 saa 09:18
Yasuwe :
0 0

Ambasaderi w’u Rwanda muri Leta Zunze Ubumwe za Amerika, Mukantabana Mathilde, yijeje Miss Rwanda 2021, Ingabire Grace kumuba hafi muri Miss World anamwifuriza kuzitwara neza.

Mu butumwa Amb Mukantabana yanditse kuri Twitter yagaragarije uyu mukobwa ko azamuba hafi.

Ati “Nkwifurije ishya n’ihirwe Miss Rwanda 2021. Nzashyigikira intsinzi yawe mu irushanwa rya Miss World 2021.”

Ku wa 19 Ugushyingo 2021 aherekejwe n’abamubanjirije, Miss Ingabire Grace nibwo yerekeje muri Puerto Rico aho yitabiriye irushanwa rya Miss World rizasozwa ku wa 16 Ukuboza 2021.

Ubwo yageraga ku kibuga cy’indege uyu mukobwa yari aherekejwe n’Igisonga cya kabiri cye, Umutoni Witness n’abandi bakobwa begukanye amakamba ya Miss Rwanda barimo Miss Iradukunda Elsa, Nimwiza Meghan na Iradukunda Lilian.

Miss Ingabire yerekeje muri Puerto Rico asangayo abandi bakobwa bazahatana batangiye kugerayo ku wa 18 Ugushyingo 2021.

Mbere y’uko ava mu Rwanda, Miss Ingabire yasabye Abanyarwanda kumutiza amaboko kugira ngo azitware neza mu Irushanwa rya Miss World 2021 rihuriramo abakobwa b’uburanga begukanye amakamba mu bihugu bitandukanye ku Isi.

Uyu mukobwa yavuze ko azagerageza kwitwara neza kugira ngo arebe ko yakwegukana intsinzi.

Amb. Mukantabana yasezeranyije Miss Ingabire Grace wagiye muri Miss World kumuba hafi
Miss Ingabire ubwo yerekezaga muri Puerto Rico

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .