Amagambo yaririmbwe na Taylor Swift ari gukoreshwa mu kurwanya impanuka muri Iowa

Yanditswe na Dusabimana Aimable
Kuya 3 Ukwakira 2017 saa 08:06
Yasuwe :
0 0

Muri Iowa, imwe muri Leta Zunze Ubumwe za Amerika yatangiye kwifashisha amagambo Taylor Swift aherutse kuririmba mu ndirimbo ye nshya nk’uburyo bwo gukumira impanuka mu mihanda.

Taylor Swift ni umwe mu banyempano mu muziki, yakunzwe mu ndirimbo zitandukanye zirimo iyitwa ’Shake It Off’, ’Blank Space’, ’Bad Blood’, ’I Know Places’ n’izindi. Uyu mukobwa ari no mu batunze amafaranga menshi, yaherukaga gushyirwa na Forbes ku mwanya wa mbere mu batarengeje imyaka 30 n’akayabo ka miliyoni 170 z’amadolari ya Amerika.

Nyuma y’iminsi uyu muhanzi ashyize ahagaragara indirimbo yise ’Look What You Made Me Do’ iri mu zikomeje gukundwa na benshi muri Leta Zunze Ubumwe za Amerika no hirya no hino ku Isi, amwe mu magambo yakoresheje yatangiye guhindurwamo akoreshwa ku byapa by’imihanda mu kubuza abatwara imodoka ingeso zishobora kubakururira impanuka.

Abantu batandukanye bakoresha imbuga nkoranyambaga bagiye bagaragaza gutangarira ibyakozwe muri Leta ya Iowa, aho imihanda yaho yagiye ishyirwamo amagambo yisanisha n’ayo Taylor Swift yaririmbye. Kimwe mu byapa byaragaragajwe cyagiraga kiti ’Taylor wa kera ntabwo ashobora kukwitaba kuri telefoni muri uyu mwanya... atwaye imodoka.’

Aya magambo yakoreshejwe akomowe mu ndirimbo nshya ya Taylor Swift aho agira ati "Unyihanganire, Taylor wa kera ntabwo ashobora kuboneka kuri telefoni none aha. Kubera iki? Kuko yapfuye." Ibi byanashyizwe mu mushinga wiswe ’Zero Fatalities’ w’ubuyobozi muri iyo Leta.

Uburyo bwatoranyijwe bwo kwifashisha amagambo atuma abantu benshi bareba ku byapa bakamenya ubutumwa bwatambukijwe, bwakozwe hagendewe ku itegeko ryo gukoresha amagambo atarenze 18 kuri buri cyapa ndetse abaturage muri iyo ntara basabwa kujya batanga ibitekerezo by’ibyandikwa ku byapa.

Ubuyobozi bwa Leta ya Iowa bwatoranyije amagambo agize indirimbo ya Taylor Swift nk’ayakoreshwa mu guhangana n’ikibazo cy’impanuka, butangaza ko muri 2016, abantu 404 bapfiriye mu mihanda bityo ubu buryo ngo bukaba buzafasha kugabanya impanuka zibahitana.

Usibye amagambo yaririmbwe na Taylor Swift mu ndirimbo ye nshya imaze kurebwa n’abantu barenga miliyoni 500 mu kwezi kumwe ku rubuga rwa Youtube. Ubundi butumwa buri kwifashishwa muri Iowa bwavugishije benshi kuri Twitter biturutse ku buryo bumwe na bumwe muri bwo bufite amagambo asekeje.

Taylor Swift
Ubuyobozi bwa Leta ya Iowa bwakoresheje amagambo y'indirimbo ya Taylor Swift mu guhangana n'impanuka mu muhanda
Ubuyobozi bwa Leta ya Iowa bwakoresheje amagambo y'indirimbo ya Taylor Swift mu guhangana n'impanuka mu muhanda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza