Amafoto yihariye agaragaza abakobwa batsinze ijonjora rya Miss Rwanda i Kayonza

Yanditswe na Munyengabe Murungi Sabin
Kuya 22 Mutarama 2018 saa 12:25
Yasuwe :
1 0

Nyampinga mushya w’u Rwanda uzambara ikamba mu mwaka wa 2018 yatangiye gushakishwa biciye mu majonjora yabereye mu Ntara y’Uburasirazuba I Kayonza mu mpera z’icyumweru gishize.

Ibikorwa byo gutoranya abakobwa bujuje ibisabwa bemerewe guhatanira Miss Rwanda 2018 bimaze kubera mu Ntara y’Amajyaruguru, Uburengerazuba , Amajyepfo ndetse kuri iki Cyumweru tariki ya 21 Mutarama 2018 mu bice bya kure ya Kigali byabereye mu Mujyi wa Kayonza.

Abakobwa bamaze gutoranywa muri izo ntara enye bamaze kuba 28 ubaze igiteranyo cya bose. Mu Ntara y’Amajyaruguru hatowe batandatu cyo kimwe no mu Burengerazuba naho mu Ntara y’Amajyepfo hava abagera ku icumi mu gihe Uburasirazuba bwatanze abakandida batandatu.

Abakobwa batorwa hashingiwe ku ngingo eshatu nkuru "uburanga, ubwenge n’umuco". Uburanga buhabwa amanota 25%, ubwenge bubarirwa amanota 45% hanyuma uburyo umukobwa atondekanya ibyo avuga bigahabwa amanota 30% yose hamwe akaba ijana.

Abakobwa batandatu bemerewe gukomeza ku rwego rw’igihugu ni Umutoni Charlotte, Munyana Shemsa, Uwineza Solange, Umutoni Fidela, Umwali Lindah na Bampire Diane.

1. Umutoni Charlotte afite imyaka 20, ibiro 60 na metero 1.78
2. Munyana Shemsa afite imyaka 19, ibiro 56 na metero 1.81
3. Uwineza Solange afite imyaka 21, ibiro 50 na metero 1.72
4. Umutoni Fidela afite imyaka 20, ibiro 64 na metero 1.70
5. Bampire Diane afite imyaka 21, ibiro 55 na metero 1.70
6. Umwali Lindah afite imyaka 18, ibiro 58 na metero 1.77

Ijonjora rya nyuma ku rwego rw’Intara rizakomereza mu Mujyi wa Kigali kuwa Gatandatu tariki ya 27 Mutarama 2017.

- Umwali Lindah afite imyaka 18, ibiro 58 na metero 1.77


- Bampire Diane afite imyaka 21, ibiro 55 na metero 1.70

- Uwineza Solange afite imyaka 21, ibiro 50 na metero 1.72


- Umutoni Fidela afite imyaka 20, ibiro 64 na metero 1.70


- Umutoni Charlotte afite imyaka 20, ibiro 60 na metero 1.78


- Munyana Shemsa afite imyaka 19, ibiro 56 na metero 1.81

Andi mafoto agaragaza uko igikorwa cyagenze...

Amafoto: Muhizi Serge&Luqman Mahoro


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza