Kwamamaza

Amafoto ya Miss Kwizera Peace mu rugendo ruva i Cotonou kugera i Kigali

Yanditswe kuya 15-11-2016 saa 11:48' na Munyengabe Murungi Sabin


Kwizera Peace Ndaruhutse uherutse kwegukana ikamba mpuzamahanga ry’ubwiza rya Miss Naïades 2016, yagarutse i Kigali avuye muri Benin mu Mujyi wa Cotonou ahamaze iminsi hateraniye abakobwa bo mu bihugu.

Nyampinga Kwizera Peace yavuye mu Rwanda kuwa 11 Ugushyingo 2016, yari amaze iminsi igera kuri ine mu Mujyi wa Cotonou, yari yaherekejwe na nyina umubyara wari umushyigikiye cyane muri iri rushanwa.

Ibirori byo gutora Miss Naïades byabereye kuri Dream Beach Hotel mu Mujyi wa Cotonou ku nkombe z’inyanja ya Atlantic mu ijoro ryo kuri uyu wa 12 Ugushyingo 2016. Iri rushanwa ryitabiriwe n’abakobwa bo mu bihugu 13 gusa birangira Umunyarwandakazi ari we utsinze.

Kwizera Peace yari ahanganye n’abakobwa bo mu bihugu 12: Blandaye Stephanie(Togo), Oweseni Grace(Nigeria), Kpogbezani Lucrece(Benin), Biata Diane (Cameroun), Kankoe Aho Branda(Togo), Gahimbare Ornella (Burundi), Minkatana Michele Ange (Cameroun), Diarassouba Raissa(Cote d’Ivoire), Ankwanda Dorcas(RDC), Afua assieduwaa Akrofi(Ghana), Tchouadang Yasmine(Tchad) na Kenta Awa(Guinée).

Nyuma yo gutsinda, Peace yabwiye IGIHE ko yerekeje i Cotonou yumva yifitemo gutsinda, gusa ngo yatewe ingufu cyane n’uburyo yasanze bake mu Banyarwanda batuyeyo bari bamushyigikiye bikiyongeraho ko na ‘nyina yahoraga amubwira ko akwiye kwiyumvamo intsinzi gusa’.

Yagize ati “Irushanwa ryari ririmo abakobwa b’abahanga, ntabwo byari byoroshye kuritsinda ariko twabikoze birangiye igihugu cyacu kibaye icya mbere […] Ni ibintu byanshimishije cyane ndetse binyongerera amahirwe n’inzira nzakoresha ngo nkore imishinga ikomeye.”

Nyuma yo gutsinda iri rushanwa,ku gicamunsi cyo kuwa 13 Ugushyingo 2016 Kwizera Peace yakiriwe ku meza n’Abanyarwanda batuye muri Benin ndetse bamwizeza ko ‘igihe cyose azakenera ubufasha bwabo muri iki gihugu bazamushyigikira’.

Yagarutse i Kigali kuwa Mbere tariki ya 14 Ugushyingo 2016. Yahagurutse ku kubuga cy’indege cy’indege mpuzamahanga cya Cotonou ahagana saa sita n’igice. Peace yasohotse mu biro byakira abinjira n’abasohoka muri Benin ahabwa imodoka ye bwite imutwara ikamugeza ku ndege mu gihe abandi bagenzi basanzwe batwawe muri bus rusange isanzwe ikora aka kazi.

Nka Nyampinga watsinze, Kwizera Peace yari yahawe icyicaro mu myanya y’abanyacyubahiro mu ndege ya Rwandair imwe muri sosiyete zikomeye zateye inkunga Miss Naïades 2016.

Urugendo rugera i Kigali yarukoze anyuze mu Mujyi wa Libreville muri Gabon akomereza i Douala muri Cameroun aho yavuye yerekeza mu Rwanda.

Yageze i Kigali ahagana saa yine z’ijoro, ku kibuga cy’indege yakiriwe n’Umuyobozi wa Rwanda Inspiration Back Up, Ishimwe Dieudonne usanzwe ategura Miss Rwanda ndetse n’abo mu muryango w’uyu mukobwa bari baje kumwakira banamwereka ko ikamba yatsindiye ryanahesheje ishema abo akomokamo.

Peace agisohoka mu biro bishinzwe abinjira n'abasohoka yerekeza mu kibuga cy'indege
Peace yahawe imodoka ye wenyine imugeza ku ndege
Kwizeera Peace yerekeza ku ndege
Kwizera Peace ku kibuga cy'indege cya Cotonou
Miss Kwizera Peace na nyina burira indege iberekeza i Kigali
Yageze i Kanombe aherekejwe na nyina
Yakiriwe n'abo mu muryango we, uyu bari guhoberana ni mukuru we witwa Sarah
Sarah, Peace na nyina ubabyara
Peace ngo yiteguye kubyaza umusaruro ikamba yahawe muri Benin

Amafoto: Kwizera Peace yatorewe kuba Miss Naïades asiga ab’i Cotonou barabya indimi


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 3 Ukuboza 2016
Copyright © 2009 -2014 - IGIHE Ltd - All Rights Reserved