Kwamamaza

Amafoto ya Miss Akiwacu Colombe yambaye ‘Bikini’ muri Miss Supranational

Yanditswe kuya 23-11-2016 saa 08:57' na Munyengabe Murungi Sabin


Miss Akiwacu Colombe uri mu irushanwa ry’ubwiza rya Miss Supranational 2016 na we yemeye kwiyerekana yambaye ‘Bikini’ mu gihe abandi bakobwa bagiye baserukira u Rwanda bajyagayo bakabyangaga.

Abakobwa bagera kuri 80 bahataniye ikamba rya Miss Supranational baraye bakoze ibirori by’imyiyereko ya mbere mu makanzu yo gusohokana ndetse banagize icyiciro cyo kwiyerekana bambaye imyenda yo kogana[Bikini] mu rwego rwo kwerekana ikimero cyabo akanama nkemurampaka kareba abatagira igihunga n’abahanga mu mideli.

Abanyarwandakazi bagiye bitabira Miss Supranational bagiye bazitirwa n’umuco bakanga kwambara uyu mwenda wo kogana mu ruhame gusa mu mwaka ushize Sonia Gisa yabimburiye abandi awambara ntacyo yikanga ndetse icyo gihe yatahanye ikamba rya Nyampinga uhagarariye Umugabane wa Afurika.

Mu mwaka wa 2013 Mutesi Aurore wari uhagarariye u Rwanda yanze kwambara ‘Bikini’ nk’abandi ngo kugira ngo yerekane indangagaciro z’Abanyarwandakazi. Mu mwaka wa 2014, Neema Umwali na we yunze mu rya mugenzi we yanga kwambara utu twenda ahubwo yiyerekana yambaye umwitero.

Icyo gihe hari abacunaguje Mutesi Aurore bamushinja gukoza isoni igihugu no kucyandagaza mu maso y’amahanga we akavuga ko ataciye inka amabere.

Mutesi Aurore yagize ati “Iyo ugiye ahantu nka hariya guhagarira igihugu uba ugomba gukora ibyo ushoboye byose kandi neza, hari ibintu byinshi byatumye mpitamo kwambara kuriya kuko inkuru yaravuzwe cyane ko umukobwa wo mu Rwanda yanze kwambara kuriya bitewe n’umuco w’iwabo.”

Yongeyeho ati “…wenda igihe nikigera hazagenda uwo bishimira. Ibyo dukora ntabwo ari ko bose babifata kimwe njyewe nabikoze kugira ngo mpeshe ishema u Rwanda.”

Mutesi Aurore na Neema banze kwambara Bikini; Sonia Gisa na Colombe bayambara ntacyo bishisha

Mu ijoro ryo kuwa Kabiri tariki ya 22 Ugushyingo 2016, abakobwa bahataniye ikamba rya Miss Supranational biyerekanye bambaye ‘Bikini’ ndetse binatangiye amanota ahwanye na kimwe cya gatatu (1/3) cy’amanota yose.

Aya manota kandi azahuzwa n’ayo kuri internet mu itora ry’abakurikirana irushanwa bityo biheshe umukobwa kwibona muri 20 bazagera mu cyiciro cya nyuma.

Miss Akiwacu Colombe uhagarariye u Rwanda na we yiyerekanye muri uyu mwambaro ubona nta cyo yikanga, mu gihe hari abamubanjirije bakenyeraga umwitero bagahisha amatako.

Miss Supranational izasozwa ku itariki ya 2 Ukuboza 2016 ahitwa Krynica-Zdrój muri Pologne [Poland]. Abategura iri rushanwa batangaje ko rizajya ryerekanwa kuri televiziyo mu bihugu 120 byo ku Isi.
Akiwacu Colombe mu ikanzu yo gusohokana

Mu mwambaro wo kogana

Foto: Milton Mieloch


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved