Kwamamaza

Amafoto y’ubudasa mu gitaramo Sauti Sol yakoreye i Kigali

Yanditswe kuya 18-09-2016 saa 03:16' na Munyengabe Murungi Sabin


Itsinda ry’abanyamuziki bo muri Kenya, Sauti Sol ryakoreye igitaramo gikomeye mu Mujyi wa Kigali, cyari umwihariko udasanzwe mu mitegurire, ubwitabire n’imiririmbire inoze y’iri tsinda mu ijoro ryo kuri uyu wa Gatandatu tariki ya 17 Nzeri 2016.

Igitaramo Sauti Sol yakoreye mu Rwanda cyari kigamije kumurika album ya Gatatu iri tsinda ryise ‘Live And Die In Africa’, cyabereye i Gikondo ahasanzwe habera Expo. Mu kucyamamaza, abagiteguye bavugaga ko cyagombaga kubera muri Camp Kigali gusa byahindutse ku munota wa nyuma cyimurirwa ahandi.

Sauti Sol yakiriwe n’isinzi ry’abafana bari bakubise buzuye mu ihema rya PSF mu gihe benshi bakekaga ko aba bahanzi bashobora kutabona umubare munini kubera impinduka zatunguranye mu kwimura iki gitaramo.

Aba bahanzi berekanye ubuhanga budasanzwe mu muziki mu gihe kigera ku isaha n’imino mirongo ine baririmbye mu buryo bw’umwimerere ndetse buri mufana wese wumvaga avuga ko ‘akuriye ingofero Sauti Sol’.

Sauti Sol yabanjirijwe n’abahanzi bakizamuka mu Rwanda barimo Yvan Buravan, Neptunez Band, itsinda rya 3Hills n’abanyeshuri biga umuziki ku Nyundo. Aba bahanzi bishimiwe buri wese ku rwego rwe n’imbaraga ze gusa Sauti Sol ikigera imbere y’abafana hagaragaye ikinyuranyo gikomeye mu gushimisha abafana. Byonyine iri tsinda rigihamagarwa abafana bose bazamuye amajwi bagira bati ‘Sauti Sol, Sauti Sol’ abandi batangira kuririmba ibitero by’indirimbo zabo haba inshyashya n’iza kera.

Bien-Aimé Baraza , Delvin Mudigi, Polycarp Otieno na Willis Austin Chimano bagize Sauti Sol baririmbye indirimbo zabo zirimo izishimiwe cyane nka “Live and Die in Africa”, “Nerea” , “Isabella”, “Unconditionally Bae”, “Nishike”, “Shake Yo Bam Bam” n’izindi.

Aba bahanzi kandi baririmbye indirimbo nshyashya ziri kuri album yabo ‘Live And Die In Afrika’, inyinshi muri zo ntizizwi mu Rwanda gusa ntibyabujije abafana kuryoherwa ndetse bakerekana ko basanzwe bazizi nyamara bwari ubwa mbere zigeze mu gutwi.

Sauti Sol yaririmbye mu buryo bwa live benshi mu bafana bararyoherwa ndetse izamenyakanye cyane i Kigali iri tsinda ryaziririmbaga riherekejwe n’amajwi y’abafana naho ikindi cyiciro cy’abatarazifashe mu mutwe kigakata umuziki.

Baraza Bien-Aimé ukunda kuvugira cyane Sauti Sol yavuze ko banejejwe n’umubare munini w’abafana baje mu gitaramo mu gihe cyagiye kizamo impinduka nyinshi kuva batangira gutangaza ko bazaza kuririmbira i Kigali.

Yagize ati “I Kigali mwadushimishije cyane, ni iby’igiciro gikomeye kuba haje abafana bangana gutya ndetse bakizihirwa, wabonaga ko bafite umunezero […] Iki gitaramo cyagiye kizamo impinduka, twagiye tugisubika kenshi, ejo nabwo aho cyagombaga kubera harahindutse, ntabwo byari byoroshye kwizera ko abafana bari buze bangana gutya.”

Yongeyeho ati “Impinduka zabagaho mu kugitegura zari nziza, urabona ko izo mpinduka zatumye turirimbana n’abafana bishimye cyane kandi baje ari benshi.”

Album ‘Live and Die In Afrika’ igizwe n’indirimbo 15, iriho zimwe zamenyekanye cyane n’izindi nshyashya. Izi ndirimbo zigize iyi album harimo Nishike, Sura Yako, Shake Yo Bam Bam , Isabella, Live and Die in Afrika, Say Yeah, Its Okay, Dollar Dollar, Kiss Me, Kuliko Jana Sambo Party, Nipe Nikupe na Relax.

Sauti Sol yayisohoye bwa mbere mu gitaramo gikomeye bakoreye i Nairobi ku itariki ya 13 Gashyantare 2016, nyuma bagiye bakora ibindi bikomeye iwabo muri Kenya, Uganda, u Bwongereza n’ahandi.

Abanyeshuri biga umuziki ku Nyundo
Umwe mu bagize itsinda ry'abanyamuziki bo ku Nyundo
MC Arthur wari uyoboye iki gitaramo
MO Sound bari bafite ibyuma biyungurura umuziki ukagera mu gutwi uryoshye
Hope Irakoze umwe mu bagize itsinda 3Hills
Hope Irakoze na Eric Mucyo baririmbye batari kumwe na Jackson Kalimba uherutse kuva muri iri tsinda
Urubyiniro rwa Sauti Sol ni gutya rwasaga batararugeraho
Anita Pendo aganira n'itangazamakuru rimubaza uko yabonye igitaramo
Buravan yishimiwe cyane
Mu bafana hari ibyishimo bikomeye ubwo Buravan yaririmbaga
Dj Pius n'umugore we bari baje kureba Sauti Sol
Ciney akata umuziki....
Aba babyinaga imiziki ya Dj Miller washyuhije abafana mbere y'uko Sauti Sol iza kuririmba
Nkusi Arthur na Dj Miller
Yatwawe n'uburyohe bw'umuziki...
Abafana bari bakubise buzuye
Miss Kwizera Peace yari kuri camera afata amashusho y'ikiganiro asigaye akora
Bakimenyeshwa ko Sauti Sol igiye kuza bose bahagurutse
Urubyiniro rwa Sauti Sol ni gutya rwasaga batararugeraho
Aba bahanzi bishimiwe by'ikirenga i Kigali
Savara Mudigi umuririmbyi muri Sauti Sol
Willis Chimano, Savara na Bien-Aimé Baraza bo muri Sauti Sol
Aba bahanzi bavuze ko mu Rwanda ari ho bakoreye igitaramo bari kumwe n'abafana bizihiwe kurusha ahandi baciye
Bien-Aimé Baraza umwe mu baririmbyi b'imena muri Sauti Sol
Willis Chimano we anafite ubuhanga mu kubyina cyane
Dr.Agnes Binagwaho yari yaje kureba Sauti Sol
Muyoboke Alex na Mani Martin mu gitaramo cya Sauti Sol
Polycarp Otieno ni we ucuranga gitari mu ndirimbo za Sauti Sol
Bien-Aimé Baraza yagiye kuririmbira hagati mu bafana ubwo baririmbaga 'Isabelle'
Miss Kwizera Peace na mukuru we Mbabazi Esther
Abafana ba Sauti Sol i Kigali bari bishimye cyane
Ifoto y'urwibutso n'abafana
Savara Mudigi rwagati mu bafana
Baraza ubwo yikuye isengeri ubwo baririmbaga iyitwa 'Nishike'
Abafana beretse Sauti Sol urukundo
Ni igitaramo cy'amateka Sauti Sol yakoreye mu Rwanda
Aba baririmbyi bakoresheje imbaraga nyinshi kuva ku munota wa mbere kugeza basoje
Indirimbo 'Nerea' iri mu zishimiwe cyane
Bageze ku gace baririmbyemo Kagame aho bagira bati "Huenda akawa Kagame, atawaaaale"
Umukaraza wa Sauti Sol bigaragara ko yatamiye
Sauti Sol basoje igitaramo abafana bagaragaza ko bari bagikeneye kwizihirwa
Abanyeshuri bo ku Nyundo baririmbanye na Sauti Sol mu minota ya nyuma y'igitaramo

Amafoto: Mahoro Luqman


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved