Kwamamaza

Amafoto y’ibyishimo Akiwacu n’abahatanira Miss Supranational bidagadura mu mazi

Yanditswe kuya 25-11-2016 saa 08:47' na Munyengabe Murungi Sabin


Nyampinga Akiwacu Colombe na bagenzi be bahataniye ikamba rya Miss Supranational bakomeje irushanwa hashakishwa uzahiga abandi mu mwaka wa 2016.

Nyuma yo kwiyerekana bambaye ‘Bikini’ aba bakobwa bakomereje ibyishimo bajya koga muri piscine ya hoteli ikomeye bacumbitsemo yitwa AquaCity Poprad iherereye mu Majyaruguru y’Uburasirazuba bw’igihugu cya Slovakia ari naho bagiye mu mwiherero.

Imyiyereko bakoreye mu mazi yakurikiwe na televiziyo zitandukanye zatumiwe muri iri rushanwa. Ibi byabaye nyuma y’uko mu ijoro ryo kuwa Kabiri tariki ya 22 Ugushyingo 2016 habaye imyiyereko mu makanzu yo gusohokana ndetse banagize icyiciro cyo kwiyerekana bambaye imyenda yo kogana[Bikini] mu rwego rwo kwerekana ikimero cyabo akanama nkemurampaka kareba abatagira igihunga n’abahanga mu mideli.

Miss Akiwacu Colombe na bagenzi be uko ari 80 biyerekanye muri uyu mwambaro gusa amafoto akimara kugera mu Rwanda benshi bacunaguje uyu mukobwa ‘kuko ngo yarenze ku mahame n’imyitwarire biranga Abanyarwandakazi’.

Akiwacu avuga ko muri iri rushanwa nta kibazo na kimwe yahagiriye ndetse ko mu byo bakora byose nta kimubangamiye kuko ‘akora ibyo asabwa ntawe abangamiye.’

Miss Supranational izasozwa ku itariki ya 2 Ukuboza 2016 ahitwa Krynica-Zdrój muri Pologne [Poland]. Abategura iri rushanwa batangaje ko rizajya ryerekanwa kuri televiziyo mu bihugu 120 byo ku Isi.

Foto: Milton Mieloch


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved